ازدياد عدد النساء الكاشفات لوجوههن بالسعودية .. هل هي بداية النهاية لغطاء الوجه

[اضحك مع العالم]

اصبح بشكل ملحوظ رؤية العديد من النساء كاشفات لوجوههن أمراً معتاداً... بالسعودية خصوصا في المدن الكبرى...

هـل هو عدم قناعة بالغطاء الكامل (النقاب او البرقع او الغطاء الكامل للوجه)؟

أم أنها عدم ثقة بعلماءنا ؟

أم أنها راجعة إلى قلة الوازع الديني..؟

أم انها بسبب الانفتاح على الاخر .... والتأثر بما جاء به...
ـــــــــــ

أسئلة كثيرة تبغى اجابات انتظر مشاركتكم

دمتم بود

[ملكة الخواطر]

اختي الكريمه

الوجه + الكفين + القدمين

لا يمنع من ظهورهم 0 طالما في الحرم المكي يمنع من تغطية وجهها ويدينها

ولكن على جميع النساء امرنا الدين في لبس الجلباب والستر

سبق وان قراءة موضوع يشابه موضوعك

العلماء على اختلاف في هذه التغطية الوجه




تحيتي لك

[سلطان القصيم]

اقتباس المشاركة الأصلية كتبت بواسطة ملكة الخواطر الوجه + الكفين + القدمين لا يمنع من ظهورهم 0 طالما في الحرم المكي يمنع من تغطية وجهها ويدينها

بالخيــر ياشيخ ابن عثيمين ههههههههههه

المرأهـ كلها عورهـ ماعدا وجهها بالصلاة

ووجهها بالصلاة اذا كانت لحالها بالبيت مثلا

مادري من وين جبتي الفتوى اذا كانت بالحرم تكشف الوجه ...

لو فتواك صحيحه كان شفتي الحرم كله حريم كاشفه ومن متى اصلا منعو الغطاء بالحرم ..؟؟

والدليل ان كلامك فيه شك انتي قلتي يمنع ظهورهم ماقلتي (يحرم)

كشف الوجوهـ انا اشوفه انه يا اجنبيه او امرأهـ شيعيه وقليل من السنه ...؟

يعطيك الف عافيه على طرحك المميز

[فجر المحبة]

زاد الكلام واللغـو في تغطية الوجه..

والمصـيبة لما نشوف ردود تصف النقاب بالتخلف..

فإذا احنـا المسلمــين هذا كلامنـا..ما نلوم الغرب وساركوزي على كلامهم!!

المرأة تغطـي موضع الفتنة..اللي هــو الوجــه..واللي يبين مدى جمـال المـرأة..

أصلا كـشف الوجـه يجـلب معـاه أمـور ثانـية..فطبيعة المـرأة تحـب الظهـور بكـامـل أناقتهـا..

فبتحط كـريم خفيف..ويتطـور لكحل و"غلوس"..لحد ما يوصل لمكياج كامل..

صـراحـة أنصدمـت من اللـي ردت وقالت أن السعـودية في تخلف وما تطـورت لأن المـرأة تتغطـى ومـا تسوق سيـارة!!! هل هذا معـيار التطـور؟

مااشوف أن الدول اللي المـرأة تكشف وجههـا وتسوق سيـارة وتشتغل في أي مكـان أكـثر تطور.. ولا انحلت عندهـا مشـاكل البطـالة والفقـر ..الخ ولا وصلـت للقمـــر.....فوين التطـور؟

صج أنـي بحـرينية بـس أحـب الـسعوديـة وأشوفهـا مثـل ديـرتي..مـا أرضـى عليــهـا..

دمــتمـ بـود
فجـر المحـبة

[اضحك مع العالم]

اقتباس المشاركة الأصلية كتبت بواسطة سلطان القصيم بالخيــر ياشيخ ابن عثيمين ههههههههههه المرأهـ كلها عورهـ ماعدا وجهها بالصلاة ووجهها بالصلاة اذا كانت لحالها بالبيت مثلا مادري من وين جبتي الفتوى اذا كانت بالحرم تكشف الوجه ... لو فتواك صحيحه كان شفتي الحرم كله حريم كاشفه ومن متى اصلا منعو الغطاء بالحرم ..؟؟ والدليل ان كلامك فيه شك انتي قلتي يمنع ظهورهم ماقلتي (يحرم) كشف الوجوهـ انا اشوفه انه يا اجنبيه او امرأهـ شيعيه وقليل من السنه ...؟ يعطيك الف عافيه على طرحك المميز

يعطيك الف عافيه اخووي

يسعدني تفاعلك

سي يوو~~

[¦ღ.. مياسه..ღ¦]

اقتباس المشاركة الأصلية كتبت بواسطة سلطان القصيم كشف الوجوهـ انا اشوفه انه يا اجنبيه او امرأهـ شيعيه وقليل من السنه ...؟ يعطيك الف عافيه على طرحك المميز

|

أنآ وحده أكشف وجهي بالعمره *_* أما بأماكن ثآنيه لآ


وبالنسبه للأخت سكر بنآت .. ترى مو مشكله لو أمك من دوله ثآنيه لأن الدين مآيعترف بإختلاف الجنسيات كلهم إتفقوا على إن الوجه وآجب يتغطى ... والبنت حلو إنها تتحلى بالحيا قبل الدين ..

وأنتِ يآعزيزتي عطيتي رآيك ووصلتي المعلومه بشكل وآضح ,, ولكن إنك تطاولين على بنات السعوديه هذا الشي ممنوع بشكل نهائي .. يآ تتناقشين بأسلوب أو تتركين المجال لغيرك ...


هذا أول تنبيه لك وأعتبريه الأخير ..



أعتذر من صاحبة الموضوع ... لأني مآعطيت الموضوع حقه في الرد ولكن لي عوده (:

[سكر بنات]

اقتباس المشاركة الأصلية كتبت بواسطة ¦ღ.. مياسه..ღ¦ | أنآ وحده أكشف وجهي بالعمره *_* أما بأماكن ثآنيه لآ وبالنسبه للأخت سكر بنآت .. ترى مو مشكله لو أمك من دوله ثآنيه لأن الدين مآيعترف بإختلاف الجنسيات كلهم إتفقوا على إن الوجه وآجب يتغطى ... والبنت حلو إنها تتحلى بالحيا قبل الدين .. وأنتِ يآعزيزتي عطيتي رآيك ووصلتي المعلومه بشكل وآضح ,, ولكن إنك تطاولين على بنات السعوديه هذا الشي ممنوع بشكل نهائي .. يآ تتناقشين بأسلوب أو تتركين المجال لغيرك ... هذا أول تنبيه لك وأعتبريه الأخير .. أعتذر من صاحبة الموضوع ... لأني مآعطيت الموضوع حقه في الرد ولكن لي عوده (:

....................

[اضحك مع العالم]

اقتباس المشاركة الأصلية كتبت بواسطة ملكة الخواطر اختي الكريمه الوجه + الكفين + القدمين لا يمنع من ظهورهم 0 طالما في الحرم المكي يمنع من تغطية وجهها ويدينها ولكن على جميع النساء امرنا الدين في لبس الجلباب والستر سبق وان قراءة موضوع يشابه موضوعك العلماء على اختلاف في هذه التغطية الوجه تحيتي لك

الله يستر علينا يارب

بكل مكان لزم نغطي سار البدن بدون كشف اي شي سوا كان بالحرم او غيره

انا ماابي احكم واقول شي مااعرف عنه بس

حتي بالحرم نشوف مضايقات واحنا بحجابنا الكامل وانا شفت كثير

يسعدني تفاعلك غلاتي

لروحكـ اكليل الورد

[إنتــَــــــر]

تَستَطِيعِي القَول أنَّهَا بِدَايَة النِّهَايَة لِغِطَاء الوَجْه تَأثُّرَاً بِالعَالَم الخَارجِي ..

حَيثُ لايُوجِد بِلاد تَغَطِّي فِيْهَا المَرأه وَجهُهَا .. بِإسْتِثْنَاء السّعُودِيَّة ..

وبَعضاً من النِّسَاء من الدوَل الخَلِيجِيَّة المُحَاذِيَة لَنَا وَإمَارَة أفغَانِسْتَان الإسْلامِيَّة ..

فِي عَهْد أمِيْر المُؤمنِيْن مُلاّ ( مَُحَمَّد عُمَر ) ..

حََسَب مَايُسَمِّيْهِ شَعبه وَ ( لَسْتُ أنَا ) وَكَذَلك فِي عَهْد زَعِيْم تَنْظِيْم القَاعِدَة

سَمَاحَة الشَّيْخ المُجَاهِد فِي سَبِيْل الله(اُسَامَة بِن لادِن)حََفظه الله وَنَصَره عَلَى الكُفَّار

وَالمُشركِيْن!!

الأستَاذَه القَدِيرَة(أضَْحَك مَعَ العَالَم)حَقِيْقَة لَدِي الكَثِيْر مِمَا أظِيفه فِي هَذَا السِّيَاق

وَلَكِن أشعُر بِالمَلَل يُغَطِّيْنِي من أعلَى رَأسِي إلَى أسفلِي وَلا أدرِي لِمَ؟

/

/

إنتـَــر

[ود الجوف]

ا ياأَيُّهَا النَّبِيُّ قُل لِّأَزْوَاجِكَ وَبَنَاتِكَ وَنِسَاء الْمُؤْمِنِينَ يُدْنِينَ عَلَيْهِنَّ مِن جَلَابِيبِهِنَّ ذَلِكَ أَدْنَى أَن يُعْرَفْنَ فَلَا يُؤْذَيْنَ وَكَانَ اللَّهُ غَفُوراً رَّحِيماً* لَئِنْ لَمْ يَنْتَهِ الْمُنَافِقُونَ وَالَّذِينَ فِي قُلُوبِهِمْ مَرَضٌ وَالْمُرْجِفُونَ فِي الْمَدِينَةِ لَنُغْرِيَنَّكَ بِهِمْ ثُمَّ لَا يُجَاوِرُونَكَ فِيهَا إِلَّا قَلِيلًا * مَلْعُونِينَ أَيْنَمَا ثُقِفُوا أُخِذُوا وَقُتِّلُوا تَقْتِيلًا * سُنَّةَ اللَّهِ فِي الَّذِينَ خَلَوْا مِنْ قَبْلُ وَلَنْ تَجِدَ لِسُنَّةِ اللَّهِ تَبْدِيلًا * (الأحزاب : 59 -62)



الله يهدينآ ويهدي ابناء وبنات المسلمين



كل الشكر