كلنا عرفنا وسمعنا بزواج المسيار وكيف انتشر بالآونه الأخيرة في مجتمعنا السعودي بس وش رأينا فيه ؟
كثير من النساء اللي سألتهم هالسؤال يقولون أعوذ بالله مسيار الله لا يقوله : )
وكأنه المسيار شي حرام,,,,,,,,,,,,,,,,,,,,,,,,,,
وإعذروني معشر البنات شوي بس والله العظيم حكيت مره مع بنت في هالموضوع فأقول لها لو تقدم لك احد مسيار توافقين ؟
قالت لأ أعوذ بالله مسيار الله لا يقوله يا ياخذني بزواج شرعي ولا يروح لهله ,,,,,,,,,,
طبعا من باب الخبث سألتها قلت لها طيب لو حبيبك اللي تحبينه وتموتين فيه قالك إطلعي معي تطلعين ولا لأ ؟
قامت تفكر وقالت لي على حسب وبدت تفصل في الموضوع وتاخذ وتعطي : )
طيب يا بنت الأجواد المسيار بمساوئه الكثير من وجهة نظرك احسن من إنك تسوين شي بالحرام ,,,,,,, صح ولا أنا غلطان ؟؟؟؟؟
طبعا حكم الزواج الشرعي ما راح اتفلسف فيه بس اللي اعرفه إنه جائز شرعاً وبالكليّه والإجماع من هيئه كبار العلماء اللي نحسبهم والله حسيبهم
من وجهة نظري الخاصه المسيار يعتبر من اكبر الحلول اللي تعف الرجل والمرأه عن جريمة الزنا وتقريبا انا اشوف إن هالسبب من اهم اسباب حِلّ هالنوع من الزواج ,,,,,,,,,,,,,
بمعنى إن الأشخاص اللي ربي ما وسع عليهم في المادة وما معهم إللي يكفي علشان يتزوجون الزواج العادي وما يقدرون يمسكون أنفسهم قدام الإغراءات الفظيعه اللي تمر عليهم كل يوم واللي كلنا نشوفها ومتفقين عليها أتوقع إن المسيار أفضل حل ,,,,,,,,,,,,,,,,
وللنساء اللي ربي ما وفقهم وتقدم لخطبتهم شباب للزواج العادي وإبتدأ يتقدم فيهم السن وابتدت تداهمهم العنوسة, وبعد النساء مثل الرجال يعني مثل ما احنا نواجه الإغراءات كل يوم هم بعد يواجهون إغراءات كل يوم ويحلمون مثلنا معشر الرجال باللحظات الرومنسيه الحميمة فأنا اشوف إن الزواج المسيار هو الحل الأمثل لهم ,,,,,,,,,,,,,,,,,,,,,,
لكن ما راح أنسى أقول إني ضد موضوع عدم الإنجاب في الزواج المسيار وإن الرجل يشترط على المرأه عدم الإنجاب هنا اقدر اقول لأ حدكم ووقفوا وبكون من أشد المعارضين لهالنوع من الزواج,,,,,,,,,,,,,,,,,,,,,,,,,,,,,,,,,,
لكن إنتوا وش رايكم بالزواج المسيار من وجهة نظركم ؟؟؟؟؟؟؟؟؟؟؟؟
مسآء الورد ~
يعطيك الع ـآفيه على الموضوع ـ
ظآهره - أثآرت الجدل .. كثيرا ً
منهم المؤيد ومنهم المعآرض ـ
وآنآ من المعآرضين ـ لـ { زوآج المسيآر} ~
لعدة أسبآب .. ~ !
قآل تعآلى :
{ للذين يؤلون من نسائهم تربص أربعة أشهر فإن
فاؤوا فإن الله غفور رحيم. وإن عزموا الطلاق فإن الله
سميع عليم } صدق الله .
سأل عمر بن الخطاب رضي الله عنه ابنته حفصة قال:
كم تصبر المرأة عن زوجها فاستحت أن تجيبه ..
فلما ذهب جيش المسلمين للغزو ألح عليها أن تجيب فقالت :
تصبر من أربعة أشهر إلى ستة أشهر .. !!ّ~
.
.
أي بمعنى ى .. أنه زوآج المسيآر
قد يغيب فيهآ الزوج عن زوجته مدة
تفوق ( ألأربعة أشهر ) .. وهنآ
قد تكمن المشكله .. ويؤدي جلوسهآ
بمفردهآ إلى الإستجآبه لـ رجس الشيطآن
والتمرد على الدين الإسلآمي .. ويحدث
مآ يحدث للفتآة الغير متزوجه .. !!
.
.
والمرأه في ضمن إطآر زوآج
المسيآر لا تتمتع بـ حقوقهآ كـ زوجه ~
ومن أرآد فـ ع ـل الفآح ـشه يفعلهآ
إن كآن متزوج أو غير متزوج .. !!
فـ الزوآج .. ليس إجباريا ً إن لم
يأتي لهآ نصيب .. !
,
هنآ هنا هنا هنا هنا
كآنت وجهة نظري ّ
ولك حرية التعقيب ـ
بصراحة انا احترم وجهة نظرك كاملة وانا ما طرحت الموضوع الا لأخذ وجهات النظر المختلفه علنا نجد فيها شي جيد نظيفه لأفكارنا
ولي بس تعقيب صغير على كلامك ألا وهو صح الزواج مو هو الشي اللي بيرد الشخص اللي حاب يفعل الفاحشة من فعلها لكنه اكيد بيقلل من رغبة كثير من الاشخاص بالوقوع في الفاحشة لوجود الزوجة في حياته ولانها بإذن الله سوف تشبع رغباته المختلفه
وبالنسبة لعدم حاجة المرأة للزواج اذا لم يأتي النصيب فانا اشوف ان كلامك صح من جهة ان الانسانه لو ما تزوجت مو معنى هذا نهاية الحياة او الدنيا بالنسبة لها صحيح الزواج يعتبر جزء مهم وكبير من حياة المرأة لكنه ما زال جزء وليس كل
لكن ما يمنع ان الوحدة تفعل بعض الاسباب للحصزل على هذا النصيب في بعض الاحيان والظروف ومن هالفعل بالاسباب التنازل عن بعض الحقوق والزواج كمسيار