24-09-2009, 05:22 AM
|
رقم المشاركة : 1
|
( وِد ماسي )
|
لا صار قلبـﮱ لك وطن .. أبسألك وين الولاء ..؟
صَبآحكُم \ مسـائُكم [فرحْ] !
هُنآ ,, مُتصفح لـ مهندس الحرف [أحمد الصانع] !
مُتصفح أحببتُ أن يظم إبدآعات لا حدود لهآ في متصفح وآحد !
لنرآهـا جميعـاً في آن وآحد !
شآعر إعتآد التميز و الإبدآع .. و الأبجديـة لُعبتـه
يُهندسهآ بشكل آخر غير المُعتآدْ
.
لن أطيل التحدث عنه ,, فلـ قصآئده ملآمحهآ الخآصـه
تحكي عن إبدآعـه !
ولنبدأ التحليق مِن هُنآ : |
البطاقة الشخصية لشاعرنا ../
ما تغيَّرشي . . . لكن ! صار " فاضي " هـ المكان .
يعني إنتَ شفت قلبي ؟ طحتمِنْ عيني و / عينه
[ كان ]
لك قلبي
- مدينه
ولاحظ إني قلت :
كان !
يعني إنتَ الحين واحد :: خارج حدود [ المدينه ] ::
ليه مستغرب كلامي ؟؟ وليه أعطيك الأمان؟؟
وليه تَكْذِب في كلامك ! العذر وينك و وينه؟
ما ألومك .. كان " قلبك " ثارت أمواجه و / خان
الخطا منَّي , لأني . . . : صرت في بحرك ( سفينه )
والسؤال اللَّي كتمته ..؟ وما نِطَق فيهاللسان
{ كيف إيدك إطعنتني وآنا أحْسِبْهَا أمينه ..؟ }
لشــاعـرنامايتجاوز 65 قصيـده تميزبأنتقاء الكلمات وبالوصف الرائع..
كان من ابرزها خيانه وجرح العيد التي غناهاالفنان سعد الفهد ..
واخرها دهن العود.........
إذا يرضيك تستقبل بدوني . فرحتك بـ [ العيد ] ؟
شسوي بـ قلب متعوِّد يشوف العيد ، في عينك !
شسوي بـ قلب متعوِّد يشوف العيد ، في عينك !
شسوي بـ قلب متعوِّد يشوف العيد ، في عينك !
إذا عادي الزمن يضحك على جرحي وإنت بعيد؟
على هذا البرود اللي تعيشه . . .
( الله يعينك ) !
دايم تفارقني قبل حزّة العيد . .
وأقول صدفه يعني هالشي [ وارد ] !
توّي عرفت المسأله بكل تأكيد :
ما يجتمِع عيدين في وقت واحد !
.. تعـــــاونــاتـــهــ..
تعاون احمد الصانع مع الفنان سعد في اغنية جرح العيد
وايضاً تعاون مع الفنان نايف البدر في اغنية صباح الخير ياجروحي ،
وتعاون مع الفنانة شمس في اغنية انت طفل
وتعاون مع الفنان عبدالقادر الهدهود في اغنية تعبان
لا صار قلبي لك وطن .. أبسألك وين الولاء ..؟
وشلون حال المملكه ؟ - دام الخيانه من ( ملك ) !
إن كنت جاهل ..! " لعبتك قلبي " وما فيها ذكاء
حتى الطفل إن جبت له [ لعبه ].. - ولاءه صارلك !
قبل أنتهي عندي - أمر ما هو طلب وإلا - رجاء ..
لا يشغلك ماضي إنتهى .. ركِّز علـى " مستقبلك " !
ــــــــــــــــــ
جديدهـ [ لعبتك ] هذي ..
رجُوعك , ليه أبي أفهم ؟!
ترى ما جيت في وقتِك / أنا مُو حاسِب حسابك
نسيتك أو تناسيتك .. ( دخيل اللـه ) لاتهتم
وأبشرك .. وجه أحزاني ضحك لي , وإنقفل بابك
وبسيطه جات مِن صالح حياتي .. طعنتك , للعلم
قريتك , وإستفد قلبي مِن المضمون .. بكتابك
تَعَلَّم قلبي مِنْ إيدك على كِل ما مضى [ يندم ]
زرعتِك شُوق .. أتحرى حضورك , وأثمر غيابك
قصائد احمد باصواتهم ../
مثل ذيك السنه وأكثر أنادي والنِدى : مايفيد
بـ قلبي شوق لو حسّيت به .. يقلب موازينك
أردّد " عيدك مبارك " عسى كل عام وإنت سعيد
وقلبي يرتجي وصلك . . . يا غالي ، وفاقدٍ زينك
حبيبي هالزمن يضحك ، على جرحي . وإنت بعيد . .
وجيت من الشتات أسأل بعد جرح الزمن . . وينك؟
أنا ما جا على بالي غيابك إنت بـ التحديد،
{ عنادك } . .
ليش ضيَّعني؟
وقف ما بيني وبينك !
لك الله ، كل ما أضحك ألاحظ هـ الجروح تزيد !
تصدِّق [ ضحكتي ] صعبه علي , وسهله بـ إيدينك . .
أقول إن الأمل: باكر ,, يجي بكره ، بجرح جديد !
ورغم كل السنين اللي مضتلي . . { تكرم سنينك }
أنا ما جيت أبي منِّك , بعد جرحك . . تفك القيد :
أبيك تحس في ( قلبٍ ) . . رفض ينساك ويدينك !
إذا يرضيك تستقبل بدوني . فرحتك بـ [ العيد ] ؟
شسوي بـ قلب متعوِّد يشوفالعيد ، في عينك !
إذا عادي الزمن يضحك على جرحي وإنت بعيد؟
على هذا البرود اللي تعيشه . . .
(الله يعينك ) !
|
|
|
24-09-2009, 05:23 AM
|
رقم المشاركة : 2
|
( وِد ماسي )
|
تعبان - عبدالقادر الهدهود
تصدق حيل انا تعبان
. . . . . . , ولكن ( ماابينلك ) !
ابيك تحس من كيفك . انا مابي المحلك ,
ترا المفروض تتكلم ؟ !
,/ عن اللي فيني تسألني . .
اذا انت انسان ماتفهم , شسوي فيك علمني؟!
دخيلك . . !
حس بأحزاني . . اشوف بضيقتي فرحك?
تقول اضحك. (علشاني)
تبكيني/ وتبي اضحك
بديت اخاف انا منك ,
احس انك سهل تنسى !
شقول اكثر بعد عنك / وانت من الصخر ( اقسى ) !
ترا المفروض تتكلم؟!
,/ عن اللي فيني تسألني. .
اذا انت انسان ماتفهم , شسوي فيك علمني ؟
طلبتك. . !
قول اي كلمه . .وحاول بستهديني . . !
تجي صدمه ورى صدمه,‘من الصدمات يكفيني
طبيعي اعتب (وازعل)
اذا كل يوم ^تجرحني^ ياعميروح ولا تسأل
وابيك بخير تذكرني؟!
انا غصب علي عايش
. . . . , غصب متحمل طعونك
يجيني سهمك الطايش و اضمه لـ خاطر عيونك !
ترا المفروض تتكلم ؟!
,/ عن اللي فيني تسألني . .
اذا انت انسان ماتفهم , شسوي فيك علمني؟!
انت ما تفهم معاني كل شئ ... انت تفكيرك ترى دايم خطا
انت طفل فتح عيونه علي
مدام ان الحياة اخذ وعطا
حاول تفكر قبل تجني علي
ما بقا فيني صبر مات الغلا ... والعتب ما فاد يا عمري معاك
من تجيلي تلمح بعيني هلاك
ومن اجيلك المح جروحي وراك
حاول تفكر قبل تجني علي
صباح الخيرياجروحي - نايف البدر
صحيت بداخلي توك
وكنتي نايمه بروحي
وفزيتي مناسبابه
صباح الخير ياجروحي
تركني بلا سباب وراح
خذا من دنيتي الافراح
وبدل ضحكتي بجراح
وقال لفرحتي روحي
تمرني الذكرى واتألم
من اللي صار اتعلم
وماني قادر اتكلم
من الضيقه تمل روحي
صباح الخير ياجروحي
هلا والله في جرحي
فمان الله يافرحي
بنيتك وانهدم صرحي
وصارت دمعي بوحي
صباح الخير ياجروحي
تدري وش سوَّى غيابك؟!
مـوَّت غيابك سوالف ..!
ما يخوِّفني زماني
بس من فرقاك خايف ..!
ـــــــــــــــــــ, ,,,,,ـــــــــــــ,, ,,,,,ـــــ ــــــــ
إيه كل الناس عندي
بس مابي هـم بدونك ..!!
تدري يا عمري بأنك..
عندي كل الناس إنت !
ومهما تجرحني / مسامح
وكِل طعناتي / عوافي
عشت وافي لدنيتك
وبموت وافي ..
|
|
|
24-09-2009, 05:24 AM
|
رقم المشاركة : 3
|
( وِد ماسي )
|
لي متى ! , تقري | كلامي ؟؟
ماتعبتي من " السهر " ؟!
يـ الله
قدامي
وإلا ( لأ )
ما أبي – قدامي !
أبيك { تتغطي } بـ جفني
و / بـ عيوني . . . تنامي
كل شي " فيني " , يهمك
أدري
ودّك ~ كل لحظه ~ آكون : يمّك :
يـ إللي | إسمك |
غير .. عن كل - الأسامي !
تاخذين ( القلب ) منّي ! و تاخذيني !
وإنتِ < فيني >
شلون لو ودّي / ألمك ؟؟
قومي نامي ......... .
إسمعيني ,
مايطوفك " شي " لا نمتي بـ :: عيني
من متى ؟ وعيوني [ عنّك ] .. صايمه
من متى ؟ وإنتِ ( تبين ) و ~ ما تجيني !!
يا " حمامة بيت " فيني , حايمه
أفقدك ... دايم ... وأدري ! - تفقديني
صرت أحس . . . ! إنك ( مشاعر دايمه )
مهما غبتي بـ / المسافه ؟؟ : تسكنيني
لو تجين أجوائي ؟؟ صارت [ غايمه ]
تجمعين << إحساسي فيك >> و ~ تمطريني
إحلمي بـ . . . الحُب . . . | طفله هايمه
و إن صحيتي ؟؟ تسبّحي بـ ( دموع عيني )
موتي فيني .. دام عشتي ! : ضايمه
وعيشي عمرك ... يا حياة ... القلب { فيني }
يـ الله نامي .... . لك ( عيوني ) عايمه
إنعمت , عن [ شوف غيرك ] صدقيني !!
راح ’ أغَمّض ’ طول منتي – نايمه
و " السهر " موضوع بين / العين و / بيني
يا { صباح الخير } و إنتِ :: قايمه
هو صباحك ليه يفرق ؟؟ علميني ..!
يا بعد قلبي , و كل من لايمه ,
تصبحين بـ - خير و أكثر " تعشقيني "
النوم | ميّت عليك | و ماخذا ~ ديّه .
و أحلامك ؟ , ليا " سهرتي " تكون ( ولهانه )
{ وجهك } مثل – عيد و البسمات – عيديّه
فديت ! نظرة " عيونك " و إنتِ / نعسانه
أقول ( عاديه ) . لكن منتي : عاديّه !!
ملآك , نازل عليّ في صورة , إنسانه
نامي , , , وتشوفين أحلى أحلام ’ ’ ’ وردي
النوم < سلطان > و إنتِ ؟ [ بنت سلطانه
دارت الدنيا وتبيني [ أعذرك ] !
نامت عيوني وعينك > ساهره
إنت لي ماضي ومابي .. أذكرك
و الغلط وياك ... ماني مكرره
قلت لك إحذر غرورك يكسرك
ومن يحبّك واجب إنت تقَدّره
قبل لا تفكّر تهاجر ب أهجرك
وعدّني غيمة حنان .. مهاجره
مثل ماجَمّعتك أقدر أن ث ر ك
يعني راسك لو رفعته أكسره
كنت لك مثل المواني ~ أنطرك
لين طاحت من عيوني الباخره
لا تظن أبكي عليك وأخسرك
إللي مثلك ( لازم ) إني أخسره
يا القليل الباقي طاحوا أكثرك !
في بحر - دمع العيون - الطاهره
أبقى أكبر شخص مر ب ناظرك
وتبقى أصغر <~ من نويت أكبّره
في فراقك ماحزنت آآبشرك :
وكانت الفرحه معاك مسافره !
كيف ألوّح لك وأجبُر خاطرك
وإنت إحساسي مكسّر خاطره
أشكر أعدائي كثير ~ و أشكرك
من سبايبكم .. فقدت الذاكره .
دارت الدنيا وتبيني [ أذكرك ] !!
شفت منّك خير لأجل أتذكره ؟
إكتب الشطر الأخير بـ دفترك ،
القلوب البيض .. جداً نادره !
بخير عايش و أحمد اللـه ~ طيّب ،
من وقت مازارتني أحلامي السود . .
يرعبني < كابوس > الفراق ، ويهيّب . .
أصحى ألتفت . . وأتمنى ألقاك موجود !
إنت [ المدينه ] في عيون الغريّب . .
ولما أشوفك فرحتي مالها حدود !
ليتك مثل ما < غبت عني > تأيّب ،
لأني وعدت القلب - أيام و تعود .
أخاف راسك من غيابك " يشيّب " . .
تعال لي ، وكلّي لك سهود ومهود .
مو كل [ قريّب ] ياحبيبي .. قريّب :
عندي على ماأقول إثبات وشهود !
منت الحبيب الأوّلي يا { حبيّب } ،
لكن ~ أحس القلب ، مجنون بك زود .
خيّب ظنون " العاذل " | ولا تخيّب
ظنّي | وأنا اللي فيك بالحيل محسود .
حُبك تعتّق داخلي وصار ( طيّب ) . .
وتلومني إن قلت لك يا [ دهن عود ] !
|
|
|
24-09-2009, 05:25 AM
|
رقم المشاركة : 4
|
( وِد ماسي )
|
ما يحس القلب في جرحك وهو كله جراح !
ما يحس القلب في جرحك وهو كله جراح !
ما يحس القلب في جرحك وهو كله جراح !
في وسط قلبي سفينه وفي سما حُبك سدَم ،
تشتهي بحرك وتجري عكس شهوتها . . الرياح !
كن هذا الصبح بـ العتمه بليّاك ، إنردَم . .
يا صباح الخير من غيرك بلا ( خير ) الصباح !
أثر ثلج فراقنا يلسَع وشوقك ، ما خِدَم ،
توّي أفهم :
شنهو تعني [ لسعة الثلج ] . .
لـ ( فلاح ) !
لا تحارب . . ما أبيك تعض إبهامك [ نِدَم ] ،
جيت لك :
قصدي إنتـ فاهم ،
شوووف . .
ما أحمل سلاح !
الزعل : غلطة حبايب قلب من قلب إنصِدَم . .
والرضى ساكت ، وعزة نفس تتثاقل سماح !
ياحبيب الجرح . . شوف إحساس محبوبك ( عَدَم ) :
ما يحس القلب في جرحك وهو كله جراح !
كان في وجهك بقى لك دمعتين ، وفيه دَم ؟
هذي [ هُدنه ] نتّفق بـ شروط وننساه اللي راح . .
يا أجي أرضك . . وأترك فيها لي بصمة قدَم ،
أو أصد وأكتب عليها : ( أرض مافيها صلاح ) !
يا أعيش بـ وسط قلبك ونبني كل شي إنهِدَم . .
وإلا قدامك أموت وأوقف بـ وجه [ الرماح ] !
إعتبر نفسك معزّب . . و المشاعر لك : خَدَم ،
وإنت كيفك دام قلبي ( أرض منزوعة سلاح ) !
وإنت كيفك دام قلبي ( أرض منزوعة سلاح ) !
وإنت كيفك دام قلبي ( أرض منزوعة سلاح ) !
وإنت كيفك دام قلبي ( أرض منزوعة سلاح ) !
مات قلبك وآنا أبيك تكون ~ حي ،
من كتب فرقاك في الصفحه الأخيره ؟
قصتي المفروض تتركها [ علي ] !
مو على كيف الفراق يكون خيره !
كنت لك مثل الغريب و إنت لي :
الحياة / الناس / يعني كنت ديره !
صرت مثل إللي فقد له كل شي
ضاعت أحلامه عشان عيون غيره
ماعرفتك ! وشفتك مثل : ريم الفلا ،
الكبر شين .. وإلا نور عيني ~ بخيل ؟
إي عرفتك ! حبيبي الأولي { يا هلا } ..
مرحبا فيك من بعد الغياب الطويل ،
فاتك الفوت ولما فات ، صوتك علا ..
لا تنادي المحبه { رجعتي } مستحيل !
ماتفيدك حلاتك .. ما يدوم [ الحلا ] ،
ليت روحك جميله دام وجهك جميل
قلت لك ياتحبْني حيل ~ وإلا - فلا
إللي مثلي ( أناني ) مايحب القليل
إنت هَمٍ { ثقيل } ومن حياتي إنجلا ،
صرت هَمْ بحياتك وأدري همّك ثقيل !
دايم اتقول ~ إنك ( غير كل الملا ) ..
وآنا قايلك إني شخص ماله : مثيل
الدليل : إنه قلبي ~ في غيابك سلا ،
يوم غيري عيونه من فراقك تسيل !
إنت غلطه بحياتي في [ كتاب الغلا ] :
مامحيتك ولكن .. منجبر ع الرحيل
لا هلا ترد { قلبي } لا ولا مسهلا
شفت قاتل بعمرك يرضى عنْه القتيل !
رحت عنك وباقي لي أثر و البلا :
أدري دورت مثلي وما لقيت البديل ..
|
|
|
24-09-2009, 05:27 AM
|
رقم المشاركة : 5
|
( وِد ماسي )
|
ماطفت ناري .. من أعذارك ( أبد )
لا تحاول إني أرجع لك ~ وأهدي
فوق شينك / عينك تخون الوعد !
غلطتك في حقي لا يمكن تعدي
ماني ناقص جرح من إيدك بعد
كل شي .. يصير لي ما كان ودي
فيه غيري - وفيه غيرك : فـ البلد
مو معاي تكون يعني إنت ضدي
لو أعد جروحك أخطي بـ العدد
ولو تحس شوي ما بيّحت سدي
روح دور لك .. على غيري .. أحد
دربك إللي جابك لــ عندي يودي
{ خالد } { محمد } وناصرْك وسعد
عندهم قلبك .. مثل ~ ماكان عندي
ما إعجبك ردي ! ومن يزرع حصد
بذمتك ~ وش كنت ؟ تتوقّعْه ردي
منت قدي !! .. روح عني ~ وإبتعد
فكني من جرحك لأنك منت قدي
لا كبرت وشفت نفسك ( مستعد
للمشاكل ) إرجع / ونبدي التحدي
لأنّك ... : لص .
سرقت القلب من ( داخل ) ضلوعي ,
دون ما أدري !
و تزعل لو أقول إنّك – حرامي ؟!
ولا تزعل
حقيقة إنّك "
|
حرامي و " نص "
أبي لي قلب من عندك . . . عديم إحساس
و أبيك . . . الناس .
أبي لا نمت في محجر [ عيونك ]
تنكتِم أنفـاااااااااس
وأبي لا قلت لي : شلونك ؟ :
و أنا أشوفك , أقولك .. / أصصصـ .. ..
حبيب الروح
تعال
و – روح
لكن !
لا تخليني في " هذي " الأرض ,
ألملم قلب من شافك ؟
يقول إنّك { هدية حظ } .!
أنا ما أبيك في قلبي | معاهم |
بغيت ~ الكـــل
من حولك . . . في قلبي
وحضرتك
بـ :: النص .
|
|
|
24-09-2009, 05:28 AM
|
رقم المشاركة : 6
|
( وِد ماسي )
|
.
كنت أظن الحظ جابك و | إبتسَم
أثر أنا و ( الحظ ) . . . مانواطن بعض !!
الأمل في دنيتي .. يامـا .. إنهدَم .
و " الفَرَح " ما يوم في عمري – ومَض
جرح ( غيري ) بـ إختياره : إلتئَم !!
و آنا جرحي ؟ ليه عـ القلب / إنفرَض ؟!
ليت قلبي من جروحه , إفتهَم ,
غيري عـاش الجرح .. مرّه .. و إتّعَض
مايحس [ القلب ] من كثر | الألَم
راحت الراحه . . . وعلى اللـه العَوَض .
جيت من أقصاي وماكان العشَم
تصدِم إللي صوبك إحساسه - رِكَض ،
من يعلّم { طيبتي } :: درب الندَم ::
دام صارت " نيتي البيضه " ~ مرَض !
ما ألوم القلب عايش في وهَم
يكفي .. يثبت لي [ حياتي ] لا نُبَض
قلبي من دنياي " عمره " ما : سلَم
.. كل ما زانت .. لي الحظ - إعتَرَض !
كنت أظن الحظ جابك و | إبتسَم
قبل مايقفي بك و ( نخسِر ) . . . بعض !!
|||
جاني واحد قال : بسأل كم سؤال..؟
وقبل يسأل قلت :أنا ماني خبير !
قال: جاوب بس , يا ولد الحلال
وكل كلمه حِطَّهَا .. فـ [بيتٍ صغير]
قال نبدي : شنهو تعريف المُحال..؟
قلت :
خَل الكلمهـ
فـ الشطر الأخيـر ..!
..
القهر : إن شفت دمعـات الرجال
والوطن : ( إنسان ) .. مِتغيِّر كثير
والطفل : لعبه على شاطـي الرمال
والأمل : إحساس في عين الضرير
الوفا : [ قلبين ] .. يجمَعهُم حلال
والرَجُل : اللـي علـى أهلـه يغير
والرجا : لا قلت : للواطـي تعال
والفشل : مدري .. ولكنـه مرير
الشعر : في وقتنا .. بدر و طلال
وكان أوَّل : حيـل يعجبنـي جرير ..!
والغلا : إحساس إلى حَـد الخيال
والعِشِق : لا شفت مَعشُوقِك تطير
والجفا : إعكس مفاهيم / الوصال
والوَصِل : يعنـي تأكَّـد فيك خير
والعقل : تِسْفَـه أقاويـل الجهال
والجهل : إن قلت عن نفسك كبير
والخطر : لا صار ما عندك مجال
والبلا : إن صرت معدوم الضمير
والعجب : لا صرت تسأل منهو قال
والتعب : إن كنت تِبْحَثْ عن مصير
الغنى : بالنفس ما هو راس مال
والفقر : من كان .. بأعماله فقير
..
يكفي يكفي .. أسئله إنهي الجدال
ويالله علمني عَن .. السِّر الخطير
ما أبي تضرب لي في غيركمثال
قول : عنِّك وإعتبر سِرِّك في بير
جات طعنـه مِن جنوبك والشمال
يعني وضعِك بين مِن حُولك خطير
{صاحبـي} وإن ضاقت بعينك ليال
لك فرشت القلب مفروش الحرير
في [ بلاد الحلم ].. ممنوع العقال
والمصيبه الشعب ما أختارالأمير
وما ألومك .. كان شدِّيت الرحال
دام بيتك جرح / وفراشك حصير
هذا تعريفي إلى كلمة : مُحَال
شي ودِّك فيه ولا يمكن يصير ..!
|||
مما لا مس شغف ذائقتي
أنتهى
|
|
|
24-09-2009, 11:24 AM
|
رقم المشاركة : 7
|
( ود فعّال )
|
رومانسية الحب
أبدعتي
يعطيـــك العافيه
تحيـــــــاتي
|
|
|
24-09-2009, 11:27 AM
|
رقم المشاركة : 8
|
( وِد ماسي )
|
|
|
|
24-09-2009, 12:28 PM
|
رقم المشاركة : 9
|
( ود فعّال )
|
روووووووووعـــــه
ماشاء الله ذووووووووق
يعطيك العافيه
ننتظر جديدك
تحياتي
|
|
|
24-09-2009, 12:43 PM
|
رقم المشاركة : 10
|
( وِد ماسي )
|
|
|
|
|