السلام عليكم ورحمة الله وبركاته تحية طيبة للجميع،، هذه قصيدة منقوله ومختاره اتمنى ان تحوز ع ذائقتكم الشعريه.. ياقلب لا تندم على ما فات واللـى صـار صـار=وشفيك لك يومين في صدري مسـوي شوشـره أدري ان ما يدفع ثمن طيش الصغـار إلا الكبـار=وادري إن ما يطفي جحيـم غيابهـا إلا المقبـره وادري انها تملا عيون الكـون دهشـه وانبهـار=والكون مايرضي غـرور اعيونهـا المستهتـره شموخها اقسى من مقولة ( دق راسك في الجدار)=وضعفها ابلغ مـن كـلام العفـو عنـد المقـدره اجـي لهـا وانـا بنيـة فـارسٍ طـلاب ثـار=وارجع بنية شيخ جـا ينخـاه مقطـوع اشجـره من فرط انوثتها يصيب الحـزم حـالات انهيـار=واذا اشتكت من ظلم جاها العدل يطلـب مغفـره اذا ازعلت ترمي سواد الليل فـي وجـه النهـار=واذا رضت تقلب عزا السلطان ضحك وغشمـره تسكت ويبقى المستمـع مخنـوق يتنفـس غبـار=واذا حكـت كـن الشفايـف جمرتيـن ومبخـره ما ارضى انها تزعل ولكن مشكلتهـا باختصـار=تحـب تدلـل كثيـر وهستـرت بـي هسـتـره ترفه ودلوعـه كـذا بطـره بـدون اي اعتبـار=تجمـع هناهـا بيـن اصابعهـا وترجـع تنثـره تجـي تحدانـي ونلعـب فـي مشاعرنـا قمـار=احياناً اكسـب ودهـا واحيـان بالعنـد اخسـره تزعل وتجفاني وانا تارك لها اكثـر مـن خيـار=إن جت تجي وإن فضلت ترحل فلا هي مجبـره وإن راسها يابس فانا لاخذت فـي نفسـي قـرار=ادعس على قلبي ولا اتنازل وتلعـب بـي مـره تقبلوا فائق الاحترام والتقدير وضاح
بصراحه القصيده جزله ولها معانيها ومفرداتها القويه ولا عديمناك يالغالي .. والله لا يحرمنا من جديدك اخوك ,,, حزن القصـــــــــــــــــيد ,,,
ارحب يا حزن القصيد صح بدنك يالغالي ولاعدمنا هالمرور الطيب .. لاهنت ولاهانت يمينك.. تقبل احترامي وضاح
سلم قلبك وضاح على هالنقل لاتحرمنا من مثل هالرواع تحيتي اخوك
وضاح ... كل الشكر لك على هذا الاختيار الرائع... امتعتنا بحق ... لاعدمناك
هلا وغلا بغرام الشوق من قال سالم وانا اخوك وتشرفت صفحتي المتواضعه بمرورك مع بقية الاخوان.. تقبل احترامي وتقديري وضاح
هلا باخوي عزتي راس مالي الله يحييك وانا اخوك وتسلم على مداخلتك الطيبة.. تقبل احترامي وضاح
مشكورررررررررررررررررررررررررررررررررررررررررر اخوي الف شكر
يامرحبا والله بمخاوي الليل.. مرورك أسعدني على منقولي المتواضع فالشكر لله ثم لشخصك الكريم على تفضلك.. تقبل احترامي وضاح
وضاااح عسى عمرك طويل يارب على القصيدة اللي تدل على ذووقك الراائع وحسك الشعري المميزة لاهنت يا الغالي تحياتي طلال التركي
العرض المتطور
