ناحَت على خضر الغصون الحمامه = واشقت خفوق اللي من الشوق مجروح
ذكرت محبوبٍ سباني غرامه = لو كان مالي من تذكًره مصلوح
اللي على شانه عرفت الندامه = واللي عليه عروق معلوقي تفوح
يجرح وكنَ الجرح بس اهتمامه = وانا اتحمل لانه اغلى من الروح
ياكثر مايرمي عليًه سهامه = واقول له ياناعس الطرف مسموح
لكنَ يجرحني بجرح الكرامه = وانا عزيز النفس وبروقي تلوح
بروقٍ عزٍ لين يوم القيامه = لنًي عتيبي دون توضيح وشروح
ياصاحبي . واقولها بأبتسامه = ياللي تحسب السالفه ضحك ومزوح
اليوم كلاٍ يهتني في منامه = بروح وانته في طريقك بعد روح
والصبح نوحي والعبي ياحمامه = اجروح قلبي ماعليها من النوح