السلام عليكم ورحمة الله وبركاته
والله ماكان ودي اني انزلها بهاذا الوقت
بس بعد الاسرار من بعض الاخوى بأنزالها
اتمنى كل التمني ان ترتقي لذائقتكم الشعريه
.
.
.
لحظه
تعالي
ليش
.
.
.
.
.
.
.
لحظه.. تعالي .. ليش عني تروحين
مستانسه يعني وانا اذوق الاحزان
ابسألك... في ذمتك.. وش تقولين؟
في عاشقٍ ما جف دمعه الى الان
تدرين؟.. لا.. ابسألك لو تحسيّن
بينام جفنك والهوى العذب سهران
بلاش من هذي .. وقولي لي الحين
يرضيك يعني يفرح فلان وفلان
خلاص؟ لا .. باقي بقلبي سؤالين
صحيح انا وانتي حبايب وخلان؟
طيب.. فهمناها .. مدامك تحبين
الحب دايم؟ أو هو احيان واحيان؟
ماشي ... مدام انك كذا كيف تنسين؟
اني احبك حب ما حبه انسان
وانك سكنتي داخل القلب والعين
تطيح لك دمعه ويخضّر وجدان
جمله وحطيها كذا بين قوسين
في غيبتك عرفت اناكيف الاحزان
العبيوي