قصيـــ ـــده راائعـــ ــــــه
للشاعر | نـواف الـهاجري ..
أخليـكم معهـا ..
\\
ليتها ما جات ما بين الحضور
ليتها في يوم عرسي ما درت
ليت ضحكتها تبناها السرور
ولبست ثوب الفرح وتباشرت
ليت دمعتها منعتهـا من الظهور
وليتني ما شفت عبرتها اظهرت
كان ما بان المخبى فـ الصدور
وهزمت عيني دمعها وعبرت
لين بانت للملا دمعة صبور
واسألوني ليه عينك اهمرت
قلتها هذي ترا دمعة سرور
ما دروا انها على شانه جرت
بس قالت عينها حب وشعور
وافهمت عيني معانيها وقرت
قالت ابارك زفافك ومعذور
ياحبيبي يوم الأقدار جبرت
قلت تكفي سامحيني ع القصور
كان نفسي في حياتك قصرت
قالت الحب المخبى ما يبور
وانت نفسك كم لجلي بادرت
لكن اهلي صابهم بعض الغرور
وامنعوك من التقرب واحترت
قلت ودي اقترب منك وأدور
بس تدري لمة الناس اكثرت
ياعذابي منك يا بدر البدور
وياعذابي من حظوظي تعسرت
شفت غيرتها تعذبها وتثور
لين لاحت بالوداع وأشرت
وانتبهت ولن من حولي الحضور
يسألوني وش بلا عينك جرت
قلت يعني وش تكون الا السرور
ما دروا انها على شانه اعبرت