الــــنــــــاس
من شاف في كل البشر راحته
ماحد ٍ من بين البشر مرتاح
الهم .. يبني بالحشا ميدان
والحق في عين البرايا جراح
يا دنيا ما فيها وفا
إلا قليل إلا وفا
الفرح من القلب إختفى
وأسهل من السهل الجفا
كيف البشر تقدر تنام
والكل في جرحه يتوه
أوهام أو لحظة كلام
فيها عن الدنيا نتوه
دنيا غريبه مالها
إلا غرابة أهلها
الدنيا مثل ماهي زمان
بس البشر خانوا الأمان
الدنيا مثل ماهي قبل
بس البني آدم عجل
وده بكل شي ٍ يصير
ثقلان بس وده يطير
الدنيا دنيا من عمر
تلهى عن حدود الجمر
تفرح وخوفك تنكسر
مرت وهي لحظة دهر
الدنيا يا قلبي بخير
بس البشر واللي يصير
كل ٍ يبي يلحق يطير
ملكة الخواطر