مساء الخير
اتمنى ان تقبلوني صديق جديد
وحبيت اشارك معاكم في قصيده متواضعه اتمنى ان تنال بعض الرضى
ما احبك لو بكيفي .......
ماأحــبك لو بكيـــفي والله انـــي ماأحـــــــبك
................. ولارضيت الهم يسكن في خفوقي وعيني
من عرفتك وانت كل الوقت ماغير يعزف بك
................ نعنبوا ذا الحب والله كنه هو مولود فـيني
ان حكـــيتي ماأمل الســـالفه هي تعتــــذربك
............... والسوالف ماتحب الا ابو همس ٍ حــزيني
وانتي اللي في حياتي كل شي ٍ ينــــــــطربك
.......... غردي ياصوت الطرب بالحب غني واطربيني
وان سكتي كل صوت ٍ نسمعه هو ينهرج بك
........... والصدى يرجع يعاتب اهرجي والا اسمعيني
في بحر عينك حروفي ارجفت ثم اغرقت بك
.......... ولا بقى من صوتي الا همسة ٍ عيت تبــــيني
همسة لو خيروها الموت والا انها تغدر بك
......... كان هان الموت كله بس ماتجرح حنـــــــيني
والشعر لو كان ضايق بالوصايف ينفرج بك
......... كن شعري ينتثر بالجو وانتي ترسمــــــــيني
وكن قلبي ماله من الاصدقاء ياكود قلـــــبك
.......... وكن عيني لا لقت غيرك ترى ماهيب عيني
وكن عمري ابتداء يوم ٍ تشرفنا بقـــــــربك
.......... وينتهي باخر لقاء ان كان ماعادك تبــــيني
وتبقى طول العمر تاج ٍ فوق راسي افتخربك
......... واجمل اعيادي الى من صارت يديك بيديني
حتى يوم تروح تسري مايجيني النوم عقبك
....... بس اهوجس هوالى من راح هو بكره بيجيني
اتقلب وان غفى الجفن قلبي ينسهـــــــر بك
......... ماوعيت الا وصــورتك في قبضة يــــــديني
حتى لو ان حبك هم وهم والله اني لحــــبك
.......... لأشربك ظلم واحطك عشق في قلبي وفيني
وسلامتكم ........ .
العرض العادي
