البارحه كني على راس مرقاب=ماذقت من نوم العرب غير قله
والاكسيراً طاح بالحرب منصاب=عليه من عطف المناقر تمله
عليك ياللي لابساً حسن الارواب=والعين حورا بالهدب مستظله
توه صغير ولا على وجهه حجاب=وشعره شليش مغطي الصدر كله
لا هو قريب ولا بعيداً من اجناب=عسى العذارى كلهن فدوتاً له
ما استثني الا الطيبه بنت الاحباب=بنت الرجال اللي تفك الاذله
العصر شفته فاتحاً ذرفة الباب=يبغى يعاتبني وانا ما احصله
لا والله الا دونها عطف الاشناب=ولا فيهم اللي يعرف الحب كله
وجدي عليها وجد من فوقه ارقاب=في المحكمه لقيوا عليه الادله
عشره سنين يحقق وياخذ عقاب=وراحت حياته بين ياس وذله
من لامني في حبها ما له اقراب=بانت عليه من الليالي مطله
خده كما البراق في جوف الاسحاب=وسميةٍ بعد العشا مستهله
حق الله انه نايلا كل الاعجاب=يالله عسانا بسنتك نستحله
حق الله ان القلب من شوفه انصاب=انا اشهد ان الحب عله بعله
حبي شرف ما هي محبات لعاب=واتل قلبي تل حبلاً تتله
بنت الرجال اللي يفكون الانشاب=يوم الشرود يجفله راس ظله
العرض العادي
