السلام عليكم ورحمة الله وبركاته
عوده بعد طووول غياااب ، منّا العذر ومنكم السموحه ..
فــرحـة وطـن :
الهنووف الفاتنه .. هبّت نسايمها عطر = وغرّد القمري طرب .. من فوق خضر أغصانها
يوم قالوا جا لها .. من طلّته فَيْ ومطر=شرّعت .. من بعد غيبه .. للفرح بيبانها
المليك اللي بقربه .. ما شِكت ضيم وخطر=أبو متعب .. ليثها .. حامي عرين أركانها
من الارشـيف :
بديت باسم اللي له الخلق طلاّب=عالم عليم .. ودوم عِلمه بزودي
ربٍ رحومٍ .. من ترجّاه ما خاب=نرجي أمطاره لا .. سِمعنا الرعودي
ومن بعد ذِكره جبت قافٍ على آب=قولٍ صحيحٍ ما اِطلب له اشهودي
قلته وأنا يآخوك .. ماني بلعّاب=بوصيك أنا يأخوك .. بِضعة ابنودي
البيت .. ما يبنى بِلا أوتاد واطناب=ولا يرجع اللي غاص وسط اللحودي
والحر .. ما ضنيت يسكن مع اغراب=والناس .. ترجع لآصلها والجدودي
والحق .. ما يخفيه حاسد وكذّاب=وكثر الحكي .. ما جاب للناس فودي
والحنظلة .. ما تنبت ازهور(ن) اتجاب=ولا تنزرع مع النفل والورودي
والدم .. بالإنسان بعروق ينساب=ولا يمنعه ياخوك .. دفع النقودي
والآدمي .. مخلوق وأصله من تراب=ولازم يجي له يوم يمّه يعودي
والحمد لله طلْعتك ما لها أسباب=وحبل الوصل ممدود مهو امعقودي
ما دامنا حيّين .. دايم ترى أحباب=والكل منّا .. وافين بالعهودي
حنّا أهل ما بينا كلمة أصحاب=ولا نعتِرف .. ما بينا بالحدودي
كتبتها يوم إن ضو القمر غاب=وأهديتها لك .. عد رمل النفودي
والخاتمه .. لا هي ملامه ولا عتاب=ولا طلب .. لأجلك علينا تعودي‘