اذكر اني في حبك تولعت

[بنت الجنووب]

اذكر أنى في حبك تولعت،
واذكر انه ما بقى لي من حبك غير الحسا يف.
كم وعدتني وقلت والله ما انساك لحظة .
وياللاسف رحلت ولا حتى التفت.
صدقتك وياليتني ما صدقت .
أنا كنت عارف إن حبك مجرد وهم وخداع وأحلام،
لكن في لحظه انجرفت صوبك واقتنعت .
ولا ادري كيف منك اقتنعت ؟
يمكن هي لحظة حاجة أوضعف ؟
يمكن كلامك العذب أغراني ؟
يمكن حنانك الزايد سلاني ؟
وبحضنك نسيت كل قناعاتي
ونسيت أني دايم أقول الحب كذبه!
عرفت الألم والشوق واللهفة
سهرت الليل وصاحبت القمر والدمعة .
سرقت فكري أخذت كل أحلامي .
كنت أنت بطلها وكاتبها ومخرجها .
ما حلمت إلا بطيفك وما تمنيت إلا سماع صوتك .
وبلحظة رحلت نسيت أو تناسيت كل وعودك .
نسيت وعدك ما تفارقني ؟
نسيت وعدك ما ترحل ألين أمل منك ؟
نسيت وعدك تظل لي طول عمرك ؟
نسيت كلامك يوم تقول أموت من هجرك وبعادك ؟
ياللاسف ما وفيت ونسيت كل وعودك .
ليتك رحلت لاني عليك اخطيت .
ليتك رحلت ومعك عذرك .
ليتك قلت لي ابرحل وابنساك .
منك مليت ولا عاد أبيك .
كان ما تعبت نفسي واحرقتها بالشوق واللهفة.
يمكن كنت بكيت يوم ويومين وفي داخلي حسره .
وكنت قطعت منك الأمل والرجاء.
حتى ما كلفت نفسك بكلمة وداع .
بوعدك بنساك وانسى كلامك وصوتك .
وادفن قلبي وخليه ينسى حبك وغرامك.
لانه فعلا زمنا ما هو زمن محبه .
والحب ما يعيش إلا إذا كان مغروس بأرض الوفاء،
نروية بالصدق والإخلاص،
وحنا أرضنا بور وقلوبنا عطشا.