"
تـســجـــيـــل .... لــبــوح ... جـــديـــــد ...
"
((يـنـاديـك الـغــلا )) ياللّي حكمـت لصاحبـك بالحبـس
شكا من لوعته وانتـه بعيـد مطـوّل الترحـال
وانا لي غبت عن عيني فلا لي في المحبه نفـس
بقربك يابعد عمـري عيونـي بالفـرح تختـال
يصد النوم عن عيني وامسح دمعتـي بالخمـس
لك الله يالـوداد اللـي تخلّـي مدمعـي سيّـال
مشاعر مايعالجهـا طبيـب وماتجـي باللمـس
تبا وصل الحبيب اللّي يبـادل صاحبـه بوصـال
وش الحيله اذا كانت ليالينـا عـذاب ونحـس؟؟
مشينا والبخـت كنّـه ظـلامٍ والهمـوم هـلال
وسايرت الزمن وانشد عن المكتـوب واتحسـس
عسى يامن شكا طول الظمـا يشـرب وراه زلال
سبب ظلم العذول اللي سعـى بالشّـر وتجسـس
عسى عمره شقا وانّه يذوق مـن العنـا أمثـال
متى يصفا الزمن والقى وجودك ياوجودي انـس
واشوفك في فضا عمري سحابٍ بالغـلا همّـال ؟
كأني من بني مُرّه وكنّـك يالغـلا مـن عبـس
فقدنا بعض من ضيـم الحيـاة وهزّنـا زلـزال
وكم نوله وكم نشكي ولكن .. ماصدق لي حدس
امنّي النفس في بعدك .. واجر الصوت بالمـوال
انا ما اسمع حسودٍ لي ولو حاول ولـو وسـوس
تراك أغلى من عيوني ولو مهما لقيـت اهـوااال
وأقول لحاسد عيونك: بغيضك موت واقطع واخس
أحبـه حـب خلانـي جـوابٍ ماعليـه سئـال
وكم ياحب فوقه حب فـي قلبـي لـك اتكـدّس
الين اصبحت في حبك .. اسيره شاقني الترحـال
/
\
/
\
: