(
)
(
)
...............
...............
تنظر لي بعين الوله .. مثل الحبيبه الأولــّــه .. !
اقرى بها عذب الغرام .. وذيك المشاعر والكلام ..
اللي تقوله في لقــــــاي .. !
يا غايبه تدرين وش معنى الفراق ؟
تدرين .. وش معنى الغيـــاب .. ؟
اني افارق بسمتك .. وافارق العشق العفيف .. ؟
المشكله ماهو الفراق .. الموت من بعد الفراق !!
وشلون ابنسى واروح .. وانتي معي يا غاليه ..
همس ٍ ورووووووح ... !
وشلون ابنسى والتهي .. اليا التفت بهالوجيه .. ولقيتك بكل الوجيه !!
المووووت من بعد الفراق !!!!
والله اني مـن فراقـك مـا نسيـت
كل لحظـه مـن تفاصيـل الغـرام !
المحـبـه والتغـلـي لا قـسـيـت
واعذب الكلمات في وقـت الوئـام !
والزعل ومعاتبـك لا مـن رضيـت
لا تخالـط دمـع عينـك بالمـلام !
والقوافي والقصايـد بيـت .. بيـت
وانت فيهن معتلـي بارفـع مقـام !
ويـا بـرودك يـوم للفرقـا نويـت
جيتني بكلمة مـوادع .. والسـلام !
والله اني مـن قساهـا مـا قويـت
كانت بعيني تسـاوي ألـف عـام !
كـل هـذا مرّنـي ليـن ارتـويـت
من عذابك .. وانت في صدري تنام !
لك ثلاث اعوام غايـب مـا اكتفيـت
يعني اللـي كـان يجمعنـا كـلام ؟!
ياخي ارحم مـن تولـع مـا دريـت
ان هجر المسلم ال مسلـم حـرام !!
لعنبـوا ذكـراك لا منـك طـريـت
يشتعل فـي داخلـي شـوق وهيـام
شوق ابو مبارك على شوف الكويت
يـوم بـاس ترابهـا قـدم الانـام !
ويا كثر مـا تلّنـي شوقـي وجيـت
طامـع ٍ لقيـاك يـا بـدر التـمـام
والمصيبه مـا جنيـت اللـي بغيـت
حظي المقفي معك مـا يـوم قـام !
من غيابك يا هـوى بالـي ضريـت
أرسل اشواقي مع سـرب الحمـام !
ومن نهاني عن غرامك ما انتهيـت
دامـك اول ذكرياتـي .. والخـتـام
والله اني مـن فراقـك مـا نسيـت
كل لحظه مـن تفاصيـل الغـرام !!
................
................
)
(
)
(
العرض الشجري
