مرحبا
انا راح انقل لكم شي حصل لي و بكيت عليه و تضايقت منه و ابي رايكم فيه
في ليله من الليالي دخلت الماسنجر كالعاده و تقابلت مع شخص ما لقيته من زمان و كنت مبسوطه اني لقيت هالشخص لانه خفيف ظل و يسليني و انا و الله اني اعتبره مثل اخوي
المهم سولفنا و دردشنا و بعدها قلت له مادريت اش صار لي مع الشخص اللي احبه
(طبعا هو كان يدري ان انا احب واحد و اني ما اقدر اتزوجه بس هو ما كان يدري ليش ما اقدر اتزوجه)
المهم هو قال لي اش صار عليك
انا قلت له افترقنا بسبب و قاحه فيه
هو قال انتو مو كنتو بتتزوجوا
انا قلت له لا بس انت ما تعرف السبب
انا قلت له اصلا هو حتى لو خطبني اهلي ما راح يوافقوا و اهله بعد ما راح يوافقوا
قال لي ليش
قلت له لاني شيعيه و هو سني
انا ما قلت له اني شيعيه الا كني قايلة له اني يهودية
قال لي الحين عرفت ليه تركك لانه عرف انك شيعيه
انا قلت له احنا حبينا بعض و كنا عارفين بمذاهب بعض
قال لي انتوا يالشيعه ما تصلون و تسبون الصحابه و ما تحبون الحسن و عندكم اللي يأذي السني يدخل الجنه
قلت له حرام عليك كل هذا مو فينا
و احنا مسلمين حالنا حالكم
و لا احنا ناس مجرمين
يقول انتوا عندكم ان اللي يقتل السني يدخل الجنه
انا قلت له ان السنه و الشيعه حالهم حال بعض
و اهم شي انهم مسلمين
و هذا الاختلاف كل شخص مسؤول عنه
و هذي قناعات و كل شخص يختار الطريق اللي يشوفه صحيح
و انا قلت له انت تسولف معي بالماسنجر من زمان لكن عمري ما أذيتك
و لا فكرت اني أأذيك او أأذي غيرك
و انا و لله الحمد ماشيه مستقيمه حتى انت عطيتني رقمك و الف واحد غيرك يعطيني رقمه بالشات لكن عمري ما فكرت اكلم احد فيهم
الحين من اللي فيه لفه و دوره انا و لا انت اللي تبيني اكلمك و تبي تتسلى و بعدها تجي تتفلسف علي و تعمل حالك انك احسن مني
انا ما اقول لك اني احسن منك و لا انت احسن مني بس التجريح ما له داعي انك تكفرني و تقول لي انتو في عادات تسوونها تؤدي للكفر
انا اقسم بالله اني بعد هالمحادثه اللي صارت بيني و بينه ضاق صدري و ما عرفت انام و قلت لازم اكتب الموضوع
و اوضح للعالم ان الشيعه ناس مسلمين و حالنا من حال السنه
و هالافتراءات كلها ظلم و تخريب
و غير هذا هو نسى ضيقي و ما سألني ايش اللي صار عليك من الشخص السني اللي كنتي تحبيه
تخيلوا ان اللي كنت احبه كان طالب مني اني اطلع معه هو و صاحبه و يبيني البس لهم لبس سكسي على قوله و يبيني اطلع شعري و اقعد قدامهم يتفرجون علي
انا لما قال لي كذا قلت له انت ما عندك غيره علي كيف ترضى ان صاحبك يشوفني
انا مو حبيبتك و المفروض تغار علي
قال لي انتي حبيبتي مو زوجتي
تخيلوا الوقاحه فيه
و لا و اللي زاد الطين بله اقوله انت ترضاها على اختك و لا على امك
قال لي بدون احراج هذولي اهلي
قلت له هذولي اهلك و انا يعني بالطقاق
اصير فرجه لك و لاصحابك
قلت له انت ما حملتك الغيره علي لمجرد اني بنت بلدك
و بعدها قلت له انسى انك عرفتني
و تخيلوا بعدها حتى ما كلمني و لا رسل لي رساله
و لا اهتم لي
زعلت او رضيت
ابي حكمكم انا لو بحكم من مبدأ متخلف
كان قلت كل السنه ما عندهم احساس و لا غيره
بس انا واعيه الحمد لله
و اكبر من اني افكر هالتفكير
بس ابي حكمكم؟؟
و دمتم بخير و سرور
أختكم حلوه و دلوعه
العرض الشجري
