حـيّ اللـــه اللي مــن احلـــى نــــوم فوقني
صوت دعــاني وراع الصوت واحشني
زوله مــن أربــع جهات الحـــلم طوقني
من بعد مـــوتي بنــومي جـــاي يعيشني
اتبع صــــدى الصـوت خـايف لايوهقني
يبعـــد ويقــرب بــزوله ليـــن وغوشني
ظني فـــي الحلــــم غــــــربني وشرقني
ولــي هــــاجس لاتبـــع ظنـــه يطفشني
جانـــي يصحـــي خيــــــــال بـــه مورقني
يهمس كما الناي حــول اذني يوشوشني
أعذب حــرامي بعـــز الحــــــلم يسرقني
لا والمصيـــــبه يســــوي أنــــه يفتشني
من سلسبيـــــل بمـــــاء الـــــورد ذوقني
ريـــق كقطــــر النــدى من الفم ينعشني
نـــثّر فـــوادي وبعثــــــــرني وفــرقني
ورد لمـــلم خيــــــال فيـــــه مـــربشني
يامركب الشـــــوق بحــــر الحلم غرقني
لاجيت بـــأروى مـن امواجــه تعطشني
خلك معـي قبل ضوء الصبـــــح يحرقني
من قبل عينـــي تشـــوف النور ينهشني
خذني علـــى قــــد عقلـي ليــــه ترهقني
مــدام فكري مــــعك محــــدود وابلشني
علمنــــــي اشلـــون احبـــك يامــزهقني
والاتــرى بأســـرق افكــــارك تغششني
ياقلبـي هــــدي من اعصــــابك وروقني
بكره يجينـــي بنفس الــــوقت يدوشني
يازايرالليــــل خــــذ حلمـــي وفارقني
حتـى لـــــو انــك بعد فـــرقاك توحشني
اعذب حرامـــــــي
العرض الشجري
