كلمات احببتها

[رفااال]

احب تكون اول مشاركة في المنتدى لي كلمات كتبت لي ومن اجلي من اغلى الناس عندي:

تبي القلب لكي وحدك
تعالي واملكيه الحين
تعالي..
مابقى عرق بقلبي ما يناديكي..
تبي من القصيد أبيات
تبي من الجروح آهات
تبي من الغلا حب يزود بدقة الساعة
تعالي واكتبي اسمك على صدري
تعالي..مابقى فيني مكان ما كتبتك فيه
سجنتيني مثل طير تعود بالفضا يصطاد
وجيتيني على غفلة.. وربطتي قلبي "بالأصفاد"
ملكتيني وأنا الحر الطليق بعالم الأحلام..
سرقتيني وأنا الحارس
قدرتي تملكي قلب**قسا من قسوة الأيام**..
تعالي وارمي همومك
تعالي واسكني حدب الضلوع العامرة بك وامسحي العبرات..
تعالي..بددي وحشة خفوق مابقى به "مات"
تعالي..أبسمع اسمي من شفاتك واسمع الهمسات
تعالي واحرقي وجهي بلهيب أنفاسك العطرات..
تعالي بحضنك حب جديد وبشربك و اضماكي
أبي حب يزلزلني
أبي حب يحطمني
أبي حب الياغبت يجيني بطيفك والقاكي..
تعالي نكتب حروف الحب والقلم يمناكي..
تعالي أبزرع ورود المحبة كلها لرضاكي..
تعالي أبترك العالم وبسافر في بحر لقياكي
تعالي بنسج من خيوط الشمس وبكسر النظرات
(تعالي واحضني شخص بكى لك مايبي فرقاكي)

(تعالي وإن نزل دمعك مسحته من على الخدين..)


حبيبتي كل ما فيني
يذوب بملح همساتك
حبيبتي كل أحاسيسي
يعشقونك يعشقونك
حبيبتي طالبك تكفين
ابيكي بكلك لذاتك
أبي أكون جنبك مثل ظلك
ولا أبي شي من دونك
أبسهر في وسط عينك
وبشرب كأس نظراتك
وإلى مني بغيت النوم
أبي انااااام بعيونك
وأبي اصحى بكلمه
صباح الخير بشفاتك
وأبي فنجال حبك
والغلا تمده جفونك
وأبي أهيم بك لا من
نثرتي عطور كلماتك
وأعيش مقابلك دنيا
ينورها قمر "لونك"
أبي فنك وأبي سحرك
وأبي جذاب بسماتك
ابسأل : وش كثر حبي؟
وأبي منك إجاباتك
وابيكي تجاوبي بضحكه
معاها هزه متونك
عشقت الدمع بأحزانك
عشقتك عند ضحكاتك
عشقت اللي يعرفونك
بروحاتك .. وجياتك
بجياتك .. وروحاتك
أخاف الناس ياعمري
يصيبونك يحسدونك
تعالي واطلبي الغالي
تعالي وهاتي رغباتك
فداكي اللي تبي آمري
أنا صرت مجنوووووونك
وإذا ودك أأكدلك
تعالي وشوفي مساحاتك
بوسط الخافق اللي لكي
حلف لا يمكن يخونك
لكي الله صورتك بعيني
تذكرني بجلساتك
تذكرني وأقول :
شلون أعيش أوقاتي بدونك ؟!
تراني لاتباطيتك
احن لصوت نبراتك
عسى الله لايخليني بعيد
واعطش دوم لمزونك
وعساني ما انحرم منك
لأن عيوني الثنتين
يحبوووونك .. يحبوووونك

اتمنى تعجبكم...