السلام عليكم ورحمة الله وبركاته
اليكم هذه القصيده ارجوا ان تنال
على اعجابكم
حظي مع الخلان كلة غرابيل=اجيبها يمني وترجع يسارا
اتعبت روحي مالقيت المحاصيل=رغبت بالمكسب وجتني الخسارا
اجدب ربيع العمر ماجالة السيل=تبدلت حلو الليالي مرارا
والشمس غيب نورها واظلم الليل=وانا مسافر تاية بالصحارا
وارعي النجوم السارية وارقب سهيل=حط السهر بالعين بيت ومزارا
من غير ماادري قمت اجر المواويل=واسطر الابيات واشب نارا
واطرب لصوت الطير والحط والشيل=تذكرني المحبوب واحنا صغارا
واحب بيت الشعر والبن والهيل=واهلها جيران والامل جارا
والبير والوادي وشجر مظاليل=والرجم نايف والشعيب الخضارا
زين البداوة ماتصلة المواصيل=مالة مثيل في جميع الديارا
اصايل مثل الاصايل من الخيل=لاطبت الميدان طار الغبارا
يابعد روحي ماتفيد التفاصيل=اعطف علي حر من اصل الحرارا
اللة علي العشرة وذيك التعاليل=كلا رقد واحنا الثنين السهارا
خوفي عليك من الليالي المقابيل=خوفي يزيل الغيم صفو النهارا
خوفي من الحساد والقال والقيل=خوفي محبتنا بلحظة توارا
حظي مع الخلان كلة غرابيل=باسباب محبوبي وسيد العذارا
العرض الشجري
