حبيت اضع بين يديكم هذه البسيطه
أخذت القلم بكتب ابيات شعريه=فكرت بأيامي ماضيها وتاليها
جالس لحالي كني زول جنيه = عجزت القى القصيده ومعانيها
سار الفكر مابين روحه وجيه=قلت اكتب عن حياتي وخوافيها
بكتب بأحسن الحروف الابجديه= قصيده تصور حالتي بثوانيها
قصيده افتخر فيها واقول ليـه = قصيده محد ينقد بوزن قوافيها
عن اللي ماظن جاتها مني خطيه= اقفت يوم درت اني مواليها
اعطيتها من عمري وكثرت العطيه= راحت وانا بروحي مساويها
تعبت ادور بين البنات حوريه=ادور اللي يضيعني لمس اياديها
قضى وقتي وانا بين هذه وذيه= لين القلب وردى حظي طاح فيها
سافرت ياناس بعيون ذيك البنيه=وفي المحبه اشهد إني مخاويها
إن نظرت لخدها تقــول جوريه= ازعل جميع الناس و أرضيها
راحت من بعدها كل البلا بيه= قلت اصبر القلب واخلف هقاويها
لعنبو حب يبنى على سوء نيه=ولعنبو نفس ماتصون راعيها
قالوا نطلع على ارض سوريه= والزينه بكثر مالك تشتريها
ولا ام الدنيا وحب لك مصريه= حنا معك بالوجهه اللي ترتضيها
تعوذت من ابليس ونفوس رديه=بعز نفسي ولو تضعف اقويها
قلت اسمحولي نظرتكم سطحيه= من حمد ربي دروبكم مخطيها
الزين ما انخلق الا لسعوديه = يفز القلب ليا مر طـــــاريـــها
بنت العز من البيوت الاجوديه=اعرفوا اني بالحيـل هاويهــا
ما بالغ ان قلت عن مليون اجنبيه= هذه الحقيقه والصراحه احكيها
روحك لو هي ميته تردها حيه= حلفت لأحبها لو كثرت بلاويهـا
وسلامتكم
العرض الشجري
