كانت عيوني
وبعيوني كنت اشوفها
كل ما في الوجود
وكل المدى
اللي تعدى
كل الحدود
كانت عيوني
وكنت اسهرها ليل
ومهما ليلنا يطول
اناجيها واغزالها قمر
واسامرها واعددها نجوم
ولا تفرقنا الا الشمس العذول
كانت عيوني
وبعيوني الاهداب اللي بعثرتني
وبعد ما صوبتني عجزت المها
كانت عيوني
وكانت في فرحها وحزنها
المحاجر اللي ينتثر دمعها
كانت صوتي
وعذب الكلام والهمس
اللي يسرقني وانا اسمعه
كانت صوتي
اللي رقص له القلب
على جمر الحنايا المولعه
كانت صوتي
اللي علمني صبر المجدايف
وحطم فيني صمود الاشرعه
كانت صوتي
اللي ابعد عنها الشقى
واخذ منها همها
كانت صوتي
واللي بح صوتي
واللي خرس فمها
كانت جروحي
ومن كثرة طعوني
عودتني منها غدر الخناجر
كانت جروحي
وكانت صرخة الآه
تدوي بصدى الحناجر
كانت جروحي
اللي منها وعليها
انتثر دمع المحاجر
كانت جروحي
اللي هواها القلب
واللي ارتوى منها سمها
كانت جروحي
اللي خذت مني ما تبي
وخلتني ما بين همومها وغمها
كانت جروحي
اللي باقي تنزف
على بقايا دمها
.................
وقع الأنامل
x-in-x@hotmail.com