نقاش بين طالب وطالبه عن موضوع الاعمال المهنيه!!

[NiGhtMaRe]

بسم الله الرحمن الرحيم

اعضاء الود

بعد التحيه والترحيب :


جايب لكم موضوع وحاب نتناقش فيه وهو موضوع الاعمال المهنيه



وبقول لكم قصه صارت في الجامعه :


طبعا في يوم سوت الجامعه محاضره ونقاش بقاعة الاحتفالات والمؤتمرات عن العطاله
واسبابها ويتناقشون مع الطلاب .. وكان بحضور عدد من الدكاتره ومسؤلين الجامعه

وكان الحضور للطلاب والطالبات

فقامت احدى الطالبات وقالت :

((بصراحه العطاله مو بسبب عدم توفر الوظائف .. السبب في شبابنا المتقاعس والكسول اللي

ما يبي الا وظيفه على مكتب وتحت مكيف وش فيها لو اشتغل ليموزين او اي وظيفه اخرى

الشغل مو عيب))

وسكتت القاعه كلها

فقام احد الاخوان وقال اسمحوا لي ارد على الاخت اللي تكلمت

وقالـــ :

(( مثلا يا اختي انا اشتغلت ليموزين وجيت وقفت لك بالشارع وشفتيني سعودي بتركبين معي

ولا لو كنت اشتغل سباك ولا كهربائي وجيت اصلح لكم شئ بالبيت تبي تدخلني؟؟ ...

ما اتوقع هذا الشئ

ونفرض لو اني كنت اشتغل بوظيفه مثل هذي الوظائف وجيت اطلب يدك ...

تبي توافقين ؟؟؟..


اذا كنت موافقه انا اسحب ملفي الان من الجامعه وقدام الحاضرين واشوف لي وظيفه واخذك ..))


والله ما في احد بالقاعه الا وقف وصفق للطالب والطالبه اخذت نفسها وطلعت


فاتمنى كل شخص يقرا الموضوع

يقول مع اي الطالبين هو ويوضح السبب

والموضوع للنقاش



اخوكم


((NiGhtMaRe))