تابع>>>
رزان انقلب وجهها
ابراهيم بدلع: يازين اللي يستحون عارفه والا لا
رزان بخجل: لا موعارفه
ابراهيم بخبث: خلاص انا بعلمك بس بعدين...
&&&&&&&&&&&&&&&&&&&&&&&&&&
في برجفه: شلل يااحمد
احمد بهدوء: خلاص اذا بتجلسون تسون مناحه عند ابوي والله ولا وحده تدخل فيكم
مي وفي: لالا ماراح نصيح
احمد بصرامه: انا حلفت بشوف دمعه وحده بطردها على طول..
في بزهق: قلنا لك ماراح نصيح ..
احمد : طيب يله ادخلو
دخلو بخطوات هاديه عشان ما يسببون ازعاج لأي احد
ام احمد راحت وباست يده وبصوتها الحنوون: الحمد الله على سلامتك يابراهيم ياليتها فيني ولا فيك
ابو احمد حاول يكتم دمعاته وده يتكلم ويقول عن اللي فيه عن الالم اللي حاس فيه بس مو قادر الشلل غير طريقه كلامه لطريقه مو مفهومه
ابو احمد مع محاولاته الفاشله انه يوصل الكلام لأحمد..
احمد مو فاهم وضايق صدره على ابوه اللي من الصبح يحاول ومتعب نفسه وصحته واهو مو قادر يفهمه: ايوه اوراق
ابو احمد لمعت عيونه اخيرا فهم وبدى يهز راسه بقوه
احمد قرب منه وحط يده عل كتف ابوه: يبه ارتاح والاوراق لاحقين عليها ..
ابو احمد عصب وهذا الشي بين من عيونه نبره كلامه اللي زاد وصار فهمه اصعب..
احمد بمواساه: طيب أي اوراق وش فيها!!
ابو احمد جلس يحرك اصبعه اتجاه ام احمد اللي واقفه تمسح دموعه على رجلها اللي طول عمره سندها وظهرها في هالدنيا فجأه طاح ضعيف لا حوله له ولا قوه..
احمد فهم قصده: في اوراق في غرفه امي
ابو احمد يحاول يبتسم بس ما قدر...
احمد براحه: خلاص ارتاح يالغالي عرفت قصدك وان شاء الله ما يصير خاطرك الا طيب
احمد خذ امه على جمب: يمه انا بطلع شوي وبرجع تبين شي
ام احمد: لا مابي شي بس لا تطول يمكن نحتاجك بشي وبعدين زياد من زمان برا عيب تاركينه لحاله ..
احمد: لا ما تركنا لحاله ولا شي بس اهو وعبد الله وكل العايله راحو يزورن خالد
ام احمد بستغراب: ليش وش فيه خالد؟!@
احمد بفرح: يمه خالد صحى من الغيبوبه
بصوت عالي: خالد صحى!!
مي وفي كانت عيونهم على ابوهم وفي لحظه صارت على امهم...
ام احمد بفرح لو عليها تزغرط زغرطت بس كانو في مستشفى وما تقدر...
مي بلهفه وحماس قامت لأمها: خالد صحى من جد
ام احمد بفرح: ايه الحمد الله تلقين امه مو مصدقه الحين انا بتطمن على ابوك شوي واروح لهم..
مي: يمه وانا بجي معاك
في قامت وجلست جمب ابوها ومسكت يده وطبعت عليها بوسه بكل حنان..
في بنبره حنونه: يبه يله عاد بلا دلع وتعال معانا البيت البيت من دونك ما يسوى شي وانا من دونك ما اسوى شي
ابو احمد كان متأثر ومبين عليه هالشي وكل اللي كان يقدر يعبر فيه يده وعيونه ..
ضغط على يدها بخفه ابتسمت لما حست بدفا يده وحنانه ابوها مهما كان قاسي والا عنيد بقراراته يظل الحنان والتفاهم عنوان لشخصيته ومبدأ تعامله معاهم طول عمره..
_++++++++++++++++++++++++++++++_
(((في غرفه خالد)))
فهد كان توه واصل للرياض بعد ما قد نقل من الدمام جا اهو وزوجته لمى والاولاد كانو تاركينهم عن ام لمى..
نوف راحت تركض وطبت في حضن خالد لحد ما صرخ منها: اح عورتيني يالدبه تراك ما نحفتي صرتي فيل
نوف بعدت عنه بضيقه: انا فيل يالسحليه
كملت بدلع: بس وحشتني والله البيت من دونك ماله داعي ابدااا
فهد حط يده على خصره: وش قصدك يانويفوه ما ودك نجي عندكم والا انا ما اكفي
نوف بمزح: لا ما تكفي يمكن تكفي لمو بس اانا ما اقدر افارق خلودي
خالد بدهشه: وش صاير في الدنيا اكتشافات ناس احسبهم يكرهوني صارو يحبوني ووحشتهم اجل كل يوم بدخل في غيبوبه عشان اشوف معزتي عندكم
ام فهد قرصت اذنه
خالد بألم واهو يفرك اذنه: اح يمه عورتيني وش سويت!@؟@
ام فهد بعتب: اذا سمعتك قايل هالكلام مره ثانيه بقطع اذنك ماراح اقرصها بس فاهم
خالد بحزن واهو ماسك ضحكته: فاهم فاهم بعقل...
فهد بمزح: ياخي طيحت قلوبنا ناسين انك قطو بسبع ارواح
ام فهد دفت فهد اللي كان جالس جمبها: قل مشاء الله لا تعطي اخوك عين والله ما اخليك لأنتفك تنتيف..
الكل:ههههههههههههههههههههههههههههههه
لمى واهي تناظر فهد: ايه ياخالتي تكفين نتفيه تراه مسويلي ازعاج وقلب عيالي علي
ابو فهد :كفو ولدي خرب عيالك على امهم خرب عيالك..
نوف كانت سرحانه وفكرها مو معاهم وهالشي مشغل خالد للي ما نزل عينه من عليها..
خالد: انا من زمان عارف انك خبل بس تخرب عيالك هذي جديده..
الكل:هههههههههههههههههههههههههههه
ابو فهد: ولا يهمك يا بنيتي شغله عندي انا اربيه لك
فهد بزعل مصطنع: افااا ياليمونتي كذا ترضين ابوي يطقني ويربيني من جديد كني بزر..
لمى راحت وقفت جمبه وحطت راسها على كتفه: لا ياعمي فهد تربيتك لو على التربيه لو اطلع انا منها ليصيرون عيالي احسن واشطر عيال بسببه اهو
ابو فهد وخالد:اوووووووووووووووووه
لمى استحت: خلاص ما قلت شي
خالد واهو يرفع لها حواجبه: كل هذا وما قلتي شي اجل لو قلتي شي وش بتقولين
ام فهد:هههههههههههههههههههههههههه حرام عليكم خفو على البنت ما صارت كلمه وقالتها.
لمى كان الحيا لاعب فيها لعب خلاها تطلع من الغرفه..
ابو فهد : ياحليلها مرتك والله انها عندي مثل نوف
فهد راح وحب راس ابوه: تسلم يبه وانت عندها مثل ابوها الله يرحمه واعز
ام فهد: الله يديم المحبه,,
عبدالله كان واقف براايستنى احمد..
__________------------------------____________
عبد الله يشوف احمد توه طالع من الاصنصير..
عبد الله: وينك تأخرت؟!@
احمد:ناسي ان ابوي تحت رحت دخلت اهلي عنده ورحت كلمت طبيبه وجيتك ها بشر كيف صحته ونفسيته
عبد الله براحه: والله انا اللي شايفه ان خالد اللي قبل الحمد الله رجع وكلمت الدكتورلاني سمعت من امي ان فيه فقدان ذاكره
احمد بصدمه: لا عاد
عبد الله مستغرب: هذا اللي قاله قال في اشياء ممكن ينساها واشياء ممكن يتذكرها ومع الوقت ان شاء الله بيرجع مثل اول
احمد شبه مرتاح: يعني مو شي كبير يعني تذكركم كلكم!!@@
عبد الله: ايه كلنا بس مثلا ما يذكر رقم جواله عنوان البيت اشياء مثل كذا
احمد: اذا هذي الاشياء هينه ان شاء الله يتعلمها مو لازم يتذكرها....
عبد الله يله خلنا ندخل...
يتبع>>>
العرض الشجري
