تابع+++
مها بتوتر : طيب تفضل ..
خالد بجديه: يا مها لمتى بنظل كذا متعلقين لا خاطبين ولا تاركين ..
مها بخوف: وش قصدك؟؟
خالد: قصدي انتي فاهمته زين يعني انا زياراتي هنا بتكون على أي اساس زيارات محدوده وبس وانا ابي اكون جمبك كل دقيقه وانتي محتاجتني هالأيام وانا محتاجك اكثر ليش ما تخليني اكلم ابوك عشان بس نخطب ونتملك ومعليش نخلي العرس بعدين متى ما طلع متعب بالسلامه وانتي تكونين مرتاحه نفسياا..
مها بتفكير وحيره تذكرت كلام مشاعل وكأنها حاسه ان خالد بيكلمها في موضوعهم بهالسرعه ..
مها" لا تكون مشاعل اهي اللي قالت له والا لأذبحها اذا اهي السبب"
قاطع افكارها صوت خالد: ها وش رايك؟
مها بحيره: طيب خلني افكر اليوم وارد عليك؟
خالد : مها لا تطولين علي ..
مها تنهدت: ان شاء الله ما اطول..
قاطع وقفتهم دخله ابو متعب من الباب وباين عليه التعصيب..
مها بحركه سوتها بخوف لفت وكأنها بتروح تطلب لها شي من الكوفي ..
خالد عرف انها خايفه من ابوها ..
رفع يده من بعيد: عمي ..
ابو متعب بعصبيه واستغراب: انت وش جابك هنا من الصبح؟
خالد" والله سؤال غبي "
خالد: جاي اتطمن على متعب والا ناسي انه مثل اخوي..
ابو متعب بطفش: اخوي اخوي والله ما يجي من الاخوان الا المشاكل..
خالد مو فاهم قصده: كيف يعني مشاكل
ابو متعب بطفش:اقول بس خلاص انسى ........
لمح مها واقفه بخطوات سريعه صار جمبها شد على يدها بقوه لدرجه ألمتها ..
ابو متعب واهو يصر على اسنانه: انتي وش وقفك هنا لحالك هاا؟؟
مها حمدت ربها ان غطاها مخبي ملامحها المتألمه: انا جيت بس اشتري قهوه بس..
بعصبيه تكلم: وهاالكيس اللي بيدك من وين جايبته؟؟؟؟!
خالد قااطعه بجديه: انا اللي جايبه ياعمي
ابو متعب ترك يد مها ورجع بنظره لخالد: وبأي حق انت تجي وتعطيها اغراض..
خالد بستهزاء: ليش ناسي انها بنت خالي وعلي اتجاهها حقوق اذا اقرب الناس لها مقصر بحقها..
ابو متعب تلعثم: وش قصدك؟
خالد: ماقصدي شي بس انا يابو متعب ابي اطلب يد بنتك مها اذا ما كان عندك مانع..
مها دقات قلبها صارت بالملايين وخوفها من جواب ابوها يقتلها اكثر واكثر..
مع ان خالد مافي شي يعيبه اخلاق وولد ناس ووسيم واي اب يحلم انه يزوج بنته شخص مثله ويكفي انه ولد خالها..
ابو متعب قلب الفكره براسه: مو وقته مو وقته..
خالد حاول يداريه: ياعمي ما قلتلك عطني الجواب اليوم والا الحين خذ راحتك وفكر واعرف شي واحد
كمل وعينه بعيونه مها المدمعه:ان مافي احد بيحافظ على مها مثلي وان شاء الله اكون قد هالامانه..
ابو متعب يبين انه معصب:خلاص خلني افكر ابي افكر..
خالد: خذ راحتك..
قطع كلامهم جوال ابو متعب رد بعصبيته المعتاده: نعم ... وش تقول... وانت وش دراك...شفتهم بنفسك .. حسبي الله عليكم الله لا يوفقكم ياعيال اللذين..
وسكر الجوال بقوه..
خالد بتردد: عسى ما شر..
ابو متعب في قمه عصبيته: أي ماشر الله ياخذهم اهم اللي يشوفهم الشر يجيه من كل جهه هذا جارنا ابو صالح يقولي ان الشرطه جو يدورني يبوني في القسم
خالد بستغراب: ليش وش يبون فيك؟؟
ابو متعب بضيقه: حسبي الله عليهم كسبو القضيه بشلحوني كل فلوسي وش يصير فيني بعدين
مها بضيقه" طول عمرك اناني وما تحب غير نفسك"
خالد: استهدي بالله طيب جرب كلمهم يمكن يهونون عن القضيه
ابو متعب ضايقه فيه الدنيا وصاير مثل المجنون بتفكيره وتصرفاته: أي قضيه خلاص القضيه كسبوها وطلعت انا الحرامي والحين بياخذون كل فلوسي اه ياقلبي ااه..
خالد بخوف: سلامتك وش فيك؟
ابو متعب حاول يفتح كبك الثوب لانه مخنوق ويبي أي نسمه هوا..
مها بخوف:يبه وش فيك؟؟
ابو متعب قام بصعوبه : انا بروح البيت وبعدين برجع اشوف اخوك
مها بستسلام: طيب..
طلع ابو متعب وحاس هموم الدنيا كلها فوق راسه...
خالد: خلينا نروح نسأل الدكتور عن حاله متعب..
مها بتوتر:يله..
**&&&&&&&&&&في مكتب الدكتور&&&&&&**
مها بخوف: يعني يادكتور؟
الدكتور ببتسامه: الحمد الله وبمعجزه اخوك تقريبا عدى المرحله الحرجه وهذا كله بفضل الله وانه انسان قوي..
مها حاولت تمسك نفسها من الفرحه ما تبكي..
خالد: طيب يادكتور اهو صحى الحين
الدكتور: ايه صحى بس لسى المخدر مأثر عليه يعني مهما سوينا يظل دمه يحمل كثير منه راح يروح اذا كان عنده الاصرار وانتو لازم تساعدونه احنا تقريبا مهمتنا انتهت لهذا الحد لحد ما يطلع بصحته من على مستشفى الامل عشان يتعالج ويطلع هالسموم من جسمه..
خالد : ان شاء الله نوقف معاه وما نخليه لحد ما يرجع لنا متعب الاول.
مها من قلب: امييين..
مها بفرحه واهي تقوم: مشكور يادكتور وما قصرت..
الدكتور: ياختي انا ما سويت غير شغلي وان شاء الله يرجع لكم مثل اول واحسن
خالد ومها: امين يارب...
&&&برا غرفه الدكتور وفي طريقهم لغرفه متعب&&&
مها بوناسه: مو مصدقه ياخالد ان متعب ممكن يشفى
خالد: انا ماقلت لك مافي شي صعب على رب العالمين..
كمل بستغراب: الا وين رايحه هذي غرفه متعب من هنا..
مها بفرحه: بقول لمشاعل جالسه عشان تجي وندخل له مع بعض..
خالد: اهااا اوكي بستناك هنا..
مها: اوكي...
دخلت على مشاعل اللي كان شكلها يحزن دوائر سوداء من الكحل وقله النوم احاطت بعيونها وباين انها تتألم واهي نايمه لانها نايمه على الكنبه وخلت مها تنام في السرير..
مها بخفه هزت كتفها: مشاعل شعووله..
مشاعل واهي بعز نومها وصوتها متقطع: سعد يووه بعد عني مو وقتك
مها حطت يدها على فمها عشان ما تفطس ضحك على كلامها رجعت تتكلم بعد ما غيرت صوتها وحاولت تخليه رجالي على قد ما تقدر>>>خخخخخخ خبله هالبنت..
مها بصوتها الجديد: حياتي قومي يله
مشاعل بدلع واهي نص نايمه: سعد عاااد وخر
مها ما قدرت صرخت فجأه: عمى يعمي العدو وش سعده انتي الثانيه اصحي يله اصحي..
مشاعل بخوف نطت من مكانها: وشو وش صار من مات
مها بعصبيه مصطنعه: بسم الله فال الله ولا فالك اخوك صحى والحمد الله الدكتور طمنني..
مشاعل بدون تصديق: من جدك
مها: ايه الحمد الله ياررب رحمنا يله ترا بروح قبلك..
مشاعل: لا استني يله دقيقه وبطلع..
مها بحيا: خالد برا يستنى ما ابي اخليه واقف لحاله كثير..
مشاعل بخبث: اهااا قولي من اول ان خالد برااا يله روحي دقيقه وجايه ..
مها: يله..
طلعت مها لخالد..
خالد: بتجي !!
مها: ايه جايه الحين..
انقلب وجه مها لما شافت امها جايه..
حصه بدون نفس: ها وشلون اخوك ؟
مها ببرود:ادخلي معانا وبتعرفين
دخلو كلهم بهدوء الا خالد اللي قرر يخليهم على راحتهم معاه ويدخل له لما يكون لحاله دخلت مشاعل وحصه ومها اللي من طاحت عينها عليه وحست انها بتموت ..
كان شكله يخوف حتى لما كان يتعاطى وكان في البيت ماكن وجهه اسود مثل الحين..
قربت منه بعد ما فتح عيونه بصعوبه وارتسمت على وجهه ابتسامه باهته قطعت قلبها..
حصه بدون نفس: كذا يا متعييب فشلتني عند الناس وعند صديقاتي هذا وانت ولدي الوحيد..
متعب ناظر امه نظره خيبه عمرها ما تتغير بسطحيتها وعدم اهتمامها بعيالها حتى بعد ما كان قريب من الموت كانت تعاتبه عشان الناس..
مها لفت على امها بعصبيه: هذا وقتك انتي بعد..
حصه بقهر: اقول انتي انطمي ولدي وانا حره..
مشاعل بقهر: ياليتك عارفه انك ولدك والا حاسه فيه كان حالنا غير هالحال بس انتي طول عمرك انانيه وهمك نفسك وبس..
حصه ما قدرت ترد لما شافت نظرات عيالها لها كلها حقد وغضب..
مها رجعت نظرها لمتعب ببتسامه حب: كيفك ؟
متعب بتعب: بخير الحمد لله..
مشاعل بعتب : كذا يامتعب تخوفنا عليك كذا انا ومها هننا عليك..
متعب متفشل من نفسه تكلم واهو متلعثم وحاس ريقه ناشف:انا اسف يا...
قاطعته مها: ما نبي منك اعتذار والا كلام نبي منك فعل يا متعب نبيك ترجع توقف على رجليك مثل ترجع لدراستك طول عمرك وانت متفوق واحسن واحد في دراسته مننا فلا تغير هالشي..
متعب بندم: ان شاء الله اكون عند حسن ظنكم بس متى بطلع من هنا متى بيطلعني الدكتور..
مشاعل: بس انت عارف انك بتطلع من هنا على...
قاطعها: مستشفى الامل انا موافق عشانكم ..
مها: لا توافق عشاننا وافق عشان نفسك انت صغير وبأول حياتك كيف تضيعها بهالسموم ..
متعب بضيقه: انتو عارفين ليش انا رحت بهالطريق لاني ما كنت القى الاهتمام بالبيت..
مها بحزن: احنا عارفين وحاسين بس هذا مو مبرر..
متعب:عارف انه مو مبرر بس
مشاعل: لا بس ولا شي اذا كانت لي معزه انا ومها في قلبك لازم تتعالج
متعب : يصير خير بس خلوني اطلع من هنا اول..
مها: ان شاء الله تطلع قريب..
مها تذكرت خالد اللي جالس براا من فتره...
مها قبل ما تطلع: متعب في شخص برا يبي يدخلك..
متعب بستغراب ناظرها..
طلعت وفتحت الباب..
خالد ببتسامه عريضه: ابو متعوووووووب ازيك ياواد دنتا عملت فينا عمايل خوفتنا عليك اوي اوي..
متعب فطس ضحك: هههههههههههه والله وانا بعد خفت على نفسي..
خالد واهو يضرب كفه بكف متعب: لاوالله عاد ..
متعب بمزح:ياخي اقلب على حقيقتك السعوديه .
خالد: واحنا نقدر نبعد عن اصلنا كيفك بأيش حاس؟
متعب: الحمد الله على كل حال..
خالد: مو محتاج اوصيك..
متعب: لا اخذنا محاضرات بما فيه الكفايه..
خالد:ههههههههههههه لسى ما جاك شي اصبر ان الله مع الصابرين..
&&&&&&&&&&&&&&&&&&&&&&&
فكر كثير قبل ما يسوي هالزياره بس حبه للشماته في شخص كان دايم يعتبره خادم وتابع عنده قواه وخلاه يقرر يروح يشوفه..
دخل المركز وبعد شويه اجراءات دخل الغرفه..
انصدم من اللي شافه..
كان وليد جالس كرسي متحرك وجهه اسود وكان هموم الدنيا فوق راسه هالشي اسعده وفرحه اكثر مما كان يتوقع..
رفع راسه بخيبه امل من قله زواره وكان ثلاث ارباعهم هم العاملين في نفس المكان واخته الجوهره وبس ..
اللي تفأجا من وقفتها جمبه اللي لولاها كان موته اقرب له بكثير من الحين.
وليد بصدمه: احمد!!
احمد ببتسامه خبيثه: احمد ايه احمد ليش كل هل االاستغراب لا تتوقع اني غبي وافوت على نفسي منظر يوسع صدري فتره..
وليد بقهر: جاي تتشمت يا احمد الكلب..
احمد بستهزاء: اسمعني مافي كلب هنا غيرك شف غباءك وين وصلك الفرق بيني وبينك اني انا ذكي وانت غبي..
كمل كلامه: انا على الاقل اعرف امتع نفسي بس من دون ما القط هالأمراض من كل من هب ودب..
يتبع>>>
العرض الشجري
