دمعه الرحيل

[مسامر القمرى]

قالت بروح وانساك ياجرحي الاخير وانسى العيون اللي تطير.. وانسى خيال فيني سكن في داخلي اصبح بدن.. اتمثلت صورة حياة ... وترجمة نغمة زمن.. قالت بروح... برحل بعيد.. بسير في دربي الجديد.. بعانق العالم زمن ... واسترحم القلب العنيد.. سألتها وصوتي كسير.. مافي أمل ؟؟؟ قالت خلاص.. انسى الطريق اللي اجتمعنا في صداه .. وانسى الشموع .. وانسى الحياه.. وانسى العمر وش هو مداه... انساني ياحبي الاخير.. وامطرت كل الغيوم بداخلي.. رغم الالم رغم التعب.. رغم الجفاف اللي على صدري انتصب... رغم الغضب.. واقولها ليه ترحلين.. وش كان هو ذنبي أنا... نسيتي كل اللي مضى.. نسيتي أيام الغدر.. نسيتي أيام الجفا.. نسيتي ايام القسا نسيتي أيام الهجر.. لكن أبد.. مايوم فكرت انتحي.. او ارتحل من عالمك.. واقول يمكن ترحلين في داخلي ويمكن تجين من اخر احساس الحياه وتعرفين وش هو أنا ... وش هي السنين اللي استدارت في العيون وكيف الهوى.. اصبح على نبض القلوب نغمة جنون.. اصبح على كل الدروب عالم يخون... آه ياماضي طواني في ايديه... ينزف جروحي.. ومن ألم ... ارحل اليه... قالو كثير اللي عطيت... ماتستحق حبك لها ... ماتستحق انك وفيت ابحبها... وعشقها وش هو يكون.. كله خداع .. كله غدر.. كله ضنون.. وتجمع لها كل الحروف .. من اجلها العالم يطوف.. وفي صمتها.. اصبحت مرهون الرفوف.. قالو كثير اللي عطيت.. حتى غدت ... دنياك وش هي دونها.. ودنياك وش هي بعدها.. بحبها.. تبني مطر... وبشوقها تزرع شجر.... وفي مداها اللي غدى... نهر طويل... تجمع طوابير القدر... ياآخر انفاسك طفل... يكبر على وجه الحياه.. بحار مايعرف خطر... ليه انطويت وسط الالم ... ليه ارتسمت.. في آخر الذكرى وهم.. قالو كثير... وشلون اعتب لاغدى كله مقال.. صوت يردده الخيال... والجرح من بو ح الفراق ... ينزف على صمت الرحال... لاتعتبون هذا أنا ... كلي وفى.. كلي صفى... كلي وسط روحي دفى.. هذا أنا ... لاتعتبون.. الجرح لامنه نزف.. أو ارتجف.. او انتصف.. من هو يلملم صرخته.. من هو يواسي دمعته.. من هو يطفي حرقته.. هذاك جرح .. غطى على كل الجروح.. يبني وسط درب الالم مليون روح.. غير على كل السنين ينبض من الحسره ونين.. هذاك جرح.. منحوت في بو ح الظما.. في موسم الدمعه نما.. وفي بقايا داخلي.. اصبح دفين.. لاتعذلون.. الكون في صبح ومسا.. يرحل زمن.. وهذا عمر.. لامن رحل.. يرحل على وجه الحزن... لكن على حضن الرحيل... يغزل تراتيل الكفن... ووسطه بدن...... ما يحســـــــــــده الا الزمــــــــــن