مساكم الله بالخير
متواضعه اتمنا ان تنال على القليل من الرضا
.
.
.
.
الشعر هبت هبوبه وانتشاني
ومالت غصون الخفوق الشاعريه
حرك احساسا كتمته في كياني
واستباح القلب والأشواق حيه
مابتليته مير هو اللي بلاني
بالهجيني واللحون السامريه
كل ماجريت صوتي واعتراني
ثم تذكرت الغزال الراعبيه
قمت اجيب من القوافي والمعاني
لين تطرب بنت مزبان الونيه
والله ان مانيب ماجد يازماني
كان ماسقت الشعر سوق المطيه
والله ان ماهوب صح الله لساني
ان كتبته بغيرك انتي يابنيه
كيف وانت اللي وصوفك شي ثاني
تنتهي معك الحروف الابجديه
قدك المياس غاض الخيزراني
وجيدك المنتوق مامثله وزيه
ودون صدرك تنثني كل الاماني
كل مازميته اصفق في يديه
وجمرتينك فوق براق الثماني
واهني اللي اكتوى منها بكيه
ولين خدك مرتوي بالزعفراني
والخزامى والنفل و النرجسيه
ان مشيت الارض تنبت قحوياني
وان وقفت تصير مركز جاذبيه
بك جمالا طاغي وسحر (ن) عماني
ولك مابين الناس قدر وقابليه
والله انك ساكنا باقصى المحاني
ارتح وريع بخفاقي شويه
ليت تدري كم وكم منك اعاني
وليت تفهم وش حصل وش صار فيه
ارسمك بالجدي وسهيل اليماني
وانت مابين الخبر والعقربيه
اتحرى جيتك ياامودماني
وانت قلبك خالي وعينك خليه
مير ليتك ترحم اللي فيك فاني
ساق لك روحه وقدمها هديه
وسلامتكمـ
العرض الشجري
