أسعفيني يالمعاني ترجمي همس الحروف
واكتبي قصة زماني للفصول الاربعه
علميهم ليه شمسي لأشرقت جاها كسوف
وكيف قلبي لانواله شي محدن يمنعه
وعلمي شايم لو اخفي ولا حيٍ يشوف
الغلا والحب والشوق ياخذني معه
له سنه يلعب بقلبي لعبت البنت الهنوف
الهنوف اللي تفل أقسى الغرام وتجمعه
وعلميهم وين كنا وكيف حدتنا الظروف
وكيف يطوينا زمنا مثل طي الأشرعه
ياحبيبي كنت عايش بين امان وبين خوف
مارضيتك تتبع الضيق وتكب السعه
لاتقول الحب قصة تنتهي برسم الحروف
ولاتقول ان المشاعر شي عابر نمنعه
بيننا حرب المشاعر حرق دم وحرق جوف
والبحر موجٍ ليا هبت رياحة تدفعه
ليتها حرب البيارق ليتها حرب السيوف
كان شفت السيف باليمنى وصوتي تسمعه
واعرف انه لانتخابي واحدن وقت الظروف
انتخيله واضرب الموج لأجله واقطعه
الوفا طبعي ولا اقف بمواقيف الضعوف
الضعوف اللي مع الشدة جداها المعمعه
وخذها عهد يشرفني وخلق الله تشوف
انا عهدي عهد مايختفي بالأقنعه
ما اسدد الطعنه قفا ما احطها بين الكتوف
حاضر بحاضر وكلأً يعتزي به موقعه
انشاء الله تعجبكم
الهنوف اللي تفل اقسي الغرام وتجمعه
العرض الشجري
