بسم الله ,,
قصيده كانت تفترض على وصف الرجال فقط
لكن أصُر علي أن أصف النساء
والله يكفينا شر كيد النساء هههههه
والمعذره يالزحازيح
شفت الرجال انواع وأجناس وأشكال=وكلن على ماحاش معطي ومحروم
رجال يستاهل اذا قيل رجال=ورجال لامن قيل رجال مظلوم
ورجال مثل الحر يضربه أمثال=ورجال فيه بيته مثل مصبح البوم
ورجال في صعب المهمات بتال=ورجال في كل المهمات مخدوم
ورجال مايحمي كلامه اذا قال=لانافعٍ قومن ولا ضار له قوم
ورجال لا جيته يفيدك بالاقوال=ورجال لا يأخذ ولا يعطي علوم
ورجال كالانعام مقفي ومقبال=في ليلته ظلما وفي يومه غيوم
والرجل من يمشي على نهج الابطال=ويعز نفسه عن فعل كل مذموم
ومن النساء ذكرت لباسة الشال=وأبختصر من وصفهن شي معلوم
فيهن ستيره تترك القيل والقال=وفيهن قبيحه تنقل الحكي ملموم
وفيهن كما الجنات للرجل منزال=وفيهن جحيم الرجل تسقيه يحموم
وفيهن كما الريحان بالفل والفال=ممزوج مع تنسيم بالمسك مختوم
وفيهن عسل حلواً على القلب لا سال=وفيهن بصل مخلوط بالملح والثوم
وفيهن مثل سكر على در مشوال=وفيهن كما الغسلين مخلوط زقوم
والجوهره من طاعت الله بالاعمال=دين وهدى وأخلاق والعرض معصوم
وسلامت روسكم
عدنان البشير
العرض الشجري
