ياقلب لاتشكي همومك على الناس
ماكل شخص(ن)يعذرك في مصابـك
لاتسكب الدمعه علـى خـد حسـاس
ولا تحـرق اوراق الزهـر فـي عتـابـك
ولا تضيـق الصـدر المولـع بالانـفـاس
ولاتقطـع عروق(ن)بكـت عـنـد بـابـك
ياقلـب ولله مابقـى بعيـنـي انـعـاس
يومـك شكيـت الحـب محد(ن)درابـك
النار ماتحرق سـوى رجـل مـن داس
وللـي كــواه الـحـب يفـهـم خطـابـك
قبلك شرب مجنون ليله مـن الكـاس
واليوم نفس الكاس تسقـى شرابـك
ياقلب اعـرف معدنـك معـدن المـاس
توفـي لحبيـب الــروح لـوهـو رمـابـك
ياقلـب خلـك بالشـدايـد قــوى بــاس
لا تلتـفـت لـلـجـرح لـوهــو سـطـابـك
ياقلب لا تسقي عروقـك مـن اليـاس
وخـل الامـل والصـدق دايــم زهـابـك
مادام طاحـت فاسـك اليـوم بالـراس
اعـذر جميـع النـاس واخفـي عذابـك
أتمنى تعجبكم
ياقلب لاتشــــكي همومك على النــاس
العرض الشجري
