ليه الزمان يصير ضدي وأنا اعطيه.......احلى ليالي العمر واجمل سنينه
هل هو غبى مني ولا أنا ابغيه ........ ياخذ معه فرحي واصبح حزينه
ولا عشان افراق اللي أنا اغليه ........ اللي حياتي مهتنت عقب عينه
لا تلومني ياخوي لا جبت طاريه ........ ولامن ذكرت افعوله اللي تزينه
مقدر على دمعي اداريه واخفيه ....... ولا اقدر اهدي القلب واكتم ونينه
مقدر اعيش العمر ولا اهتني فيه....... مدام مات الورد مع ياسمينه
مسجون في همي ولا اقدر اخليه...... مثل سجينٍ يبيع قيده ليدينه
والله ذاك اليوم ماني بناسيه .......... يومٍ ضاع العمر واقفت سنينه
يومٍ دمعي يترجى ويناديه .......... ويومٍ قلبي يحتضر في يدينه
العرض الشجري
