السلام عليكم ورحمة الله وبركاااته
كل عااام والجميع بألف خير ومبرووووك عليكم العيد جميعاً .
هذه صدى لقصيدة الغالي ( ســارب ) من عادني صغير ...
علّها ترتقي لذائقتكم وتحووز على رضاكم واستحسانكم .
يا الله ياللي بيدك البأس وعلاجه=ياخالقٍ كل ... هالدنيا وما فيها
يارافع السبع مجري الفلك وابراجه=يا باسطٍ سبع نمشي في نواحِيها
خلاّق الإنسان ... كاشف نطفة امشاجه=جلّت آسماك وصِفاتك في تعاليها
أنجيت موسى بعصا ... من بحر وآمواجه=ابقدرتك .. وأغرقت اعصاة واليها
اسريت بالمصطفى وأثبت معراجه=وولّيت وجهه لقبلة وإنت راضيها
واكملت دينه وهديه بيّن انهاجه=في محكْماتٍ ... سليم العقل واعيها
لك الخلايق بكل اوقات محتاجه=ياواحد(ن) علّم ... آدم كل آساميها
وخلاف ذا والزمن ... معروف مِزْلاجه=دنياك ياصاحبي ما دام حاليها
ما كنّها إلا .. كما دولاب درّاجه=واللي كتبه الولي للخلق واطيها
فيها الغني من أزلها وفيه حوّاجه=ناس بنعيمٍ ... وناس البين طاويها
فيها هلْ الطيب وايضا ناس هرّاجه=اللي على الناقصه تتعِب خطاويها
وفيها اللي للمرجله والعرف سهّاجه=ما كنّها إلا المواشي في مفاليها
فيها مركوب الشداد ... وراكب احداجه=وفيها حفاةٍ من الرمضا مواطيها
ولولا الكرم والوفاء ... والكرب والحاجه=يا كثر من بالبشر تجْهل مباديها!
والعبد مقسوم رزقه ياصل أوداجه=وأرزاق كل الخلايق عند محصيها
اللي أنكتب لك يجي مضمونٍ إدراجه=واللي لغيرك أيدينك ما يواليها
وشرواك (هجير) يعرف ... درب منهاجه=حفيد من ترتوي ... عطشا ضواميها
قومٍ لجم الموارد ... دوم هدّاجه=ما تارد الطْرق ... تشرب عذب صافيها
لو إنها بالوغى ... للدم مجّاجه=تبيع الأرواح يوم ( ..... ) تشريها
شف الجبل راسخٍ؟! ... والريح ما عاجه=يالحر وهي طايره ... تفهم معانيها!