بسم الله الرحمن الرحيم
الآحبه بعد طويل غياب نعود إليكم بقصيده لشاعرنا العذب -عبدالله العلياني
واتمنى من شعارنا الرد ..
الله من دنيا تزايد عمسها
هاجوسها دايم على القلب جلاس
جتنا مصايبها وقفى ونسها
تكت مٌر الحنظله داخل الكاس
انوارها ولت وجانا دمسها
الايام وظروفك تدوسك ولاتداس
قويةً دايم طويل نفسها
وليا نوت لك شر كتامت انفاس
إسأل مجرب في حياته درسها
ولا تاب حتى وقع الفاس بالراس
يا (ـــــــــــــ) هم كبدي حمسها
حمسه تخلي صاحي الفكر منحاس
ماحس بالجمره سوا من لمسها
واللي سلم من شر المقادير ماقاس
طحنا بغيبوبه كثير عبسها
متجمعه ياخوك من كل الاجناس
شلة فسق يا ليت ربي طمسها
من شان ينزل سوق الانذال واخساس
يا (ـــــــــــــــ) كيف عاشت بسسها
مع الفوارس قاطعت فج الارماس
وش هالزمن حتى الحقيقه عكسها
صار الاصل في منزلة خايب الساس
مستسلم(ن) حتى البيارق نكسها
مستغرب(ن) كيف الذنب ينقلب راس
عطني النتيجيه والمواضيع قسها
خابرك في حل المواضيع مفراس
وسلامتكم
بقلم الشاعر عبدالله العلياني