.. ~ {وش تقــول للــي فـ بــاللــك } ~ ..

[عاشق الأحساس]

أصعب سؤال إن سولفوا قالوا شفيه
ماعاد له طاري على بالك اليوم
وأول معك من وين مارحت طاريه
حتى عيونك حاربت لذّة النوم
مدري شقول ومدري اللي أخفيه
والبال من كثر التفاكير مزحوم
في خاطري شيٍ ولا ودي أحكيه
أخاف من كثر المشاريه واللوم
حاولت أبا أنسى مير مانيب ناسيه
حيث إن لي مبدأ وعادات وسلوم
شخصٍ بقلبي كنت بالحيل مغليه
وأبطيت حبه داخل القلب مرسوم
حبه سكن بالقلب فأقصى محانيه
ومن سبته جاني هواجيس وهموم
ياكثر مايخطي وانا كنت أداريه
وأنسى خطاه وزلته تندمح دوم
واليوم بانت لي حقايق خطاويه
بيّن رداه وبانت علوم وعلوم
ماعاد لي رغبه ولا خاطرٍ فيه
وفي عشرته والله مانيب ملزوم
خلاص قلبي كل ماجاه يكفيه
يكفي من الغالين طعنات وسهوم
وأصعب سؤال إن قالوا الناس وش فيه
ماعاد له طاري على بالك اليوم