اخـاف احـبـك واعشـقـك ثــم تـرحـل
واعـيـش بـعـدك بالـنـدم والحسـافـه
واخـاف احطـك فـي عيونـي وتزعـل
قبلـك سكـن بالقلـب غـيـرك وعـافـه
إجتاحـنـي حـبـك للاعـمـاق وإحـتــل
مـثـل إحـتــلال الاجـنـبـي للـرصـافـه
إن قلت أسافر ؟ يالغلا قلت لك ضـل
لازم نــخــاف الـبـعــد،، لازم نـخـافــه
قالو لي انسى من يعافك.. تـرى ذل
قـلـت المصيـبـه خـاطـري مايـعـافـه
حـاولـت نسيـانـه ولا طاعـنـي حـــل
وعزيت حزنـي فـي قصيـدي وقافـه
سألتـهـم ماجاوبـونـي عــن الـخــل؟
قالـوا سكـن ليـل الجـفـاء وإنتصـافـه
(قلت اسمعوا ،، والدمع قدامهم هل
منسـاااه ليـن الدمـع يعلـن جفافـه )
احـبـه اكـثـر مـــن حـيـاتـي واســـأل
وارجع واقول إشجابني في ضفافـه
هـو ملنـي .. والـجـرح حـبـه ولا مــل
يفرح اليا جـاء فـي ضميـري وشافـه
مـهـمـا يـعـيـش الـــورد لابـــد يـذبــل
والغـصـن يلـقـى هيـبـتـه بإرتـجـافـه
غيـمـه ومــرت ديـرتـي غـاويـة ظــل
جتنـي وانـا بـيـن الضـمـا والصـلافـه
اشـتـاق كـثـر مـوادعـه يــوم يـرحــل
وانـسـاه كـثــر مـواصـلـه واعـتـرافـه
يرضـى ويزعـل ثــم اراضـيـه وازعــل
مـلـيـت افـســر رغـبـتـه وإخـتـلافــه
ان قـلـت قــرب مـوعـده هــو تـمـهـل
وعمـري بسلـك العنكـبـوت إلتفـافـه
هــذي حقيـقـة مـــن تـمـنـى تـأمــل
فـي هالزمـن كثـر التمنـي سخـافـه
بيـن الرجـاء والـيـاس حلـمـي تـأجـل
ملـيـت اعيـشـك يــا حـيـاة الـكـلافـه
شـفـت الـوفـاء قــدام عيـنـي تـبــدل
حـتـى تــرك طـبـعـه وخـــلا عـفـافـه
العرض الشجري
