لا تنزعــج لا من جرحني زمانـي
............................................. ما للفرح في عالــم الحزن مصلوح
سعادتي تشبه طموح الجباني
.......................................... تقصر عن الهقوات وتعانــق البـــوح
على العنا والهم حظي رماني
......................................... وامنت بالواقع وما جا على اللـــوح
وجيتك وانالك كل شوق(ن) حداني
......................................... من كل صوب وصوب خافي ومفضوح
وجيتك وانا في داخلي شخص ثاني
................................................. قلبه على كف المقادير مطـروح
وجيتك وانا من وين مارحت اعاني
............................................... لوعاتي اللي للشقا صارت صروح
وحشتني مدري وحشني مكاني
............................................ مدري هي الوحشه معي وين ما اروح
من وحشتي جيتك برجوى الحناني
................................................ وان كان به تقصير بواصل النوح
مالك عذر دامه زمــانـي عصانـي
.............................................وسقت القدم صوبك حزين(ن) ومجروح
ابي على باقي وجــودي ضماني
.............................................. والا طريـق اليـاس لازال مفتــــوح
بين الامل والياس صار امتحاني
......................................... ... والحل عندك وانت محيي وذابوح
ترجمت لوعاتي بحلو المعاني
........................................... وان صنتني غالي ولقفيت مسموح
العرض الشجري
