كذا يعني .. كذا فجأه .. تغير كل شيً فات
كذا زالت مواثيق الغلا والحب من ذاتك !!
كذا كنت .. كذا صرت .. كذا خيبت الهقوات
كذا .. والا كذا .. ضيعت دروبي وخطواتك !!
انا مل الامل فيني .. يدور للشفاه اصوات
عجز صوتي ينادي لك .. قضى قلبي من سواتك !!
نصيتك والوفا زادي .. رحلت والقلوب اشتات
مصايب والرجا خايب .. تقود خطاك رغباتك !!
كبيره طعنتك هذي .. تعودت على الطعنات
غريبه حيل ذا المره .. ولاهي مثل طعناتك !!
سألتك بالذي خلى عيونك تذرف الدمعات
تكف الدمع لاتجني على خديك دمعاتك !!
انا ما قد خبرت اني تعمدت اجرحك بالذات
سرقتك بالزمن لحظه وعشتك بالفراق اوقات
ولا ادري وش بقى لي بالعمر من دون لحظاتك !!
أحبك .. رحت ادور في قواميس البشر كلمات
عجزت القى حروفٍ تستريح بصدر كلماتك !!
أحبك .. يا ندى فجر الجروح وصحوة العبرات
أحبك .. كلمـةٍ تبكـي معـانيها على شفـاتك !!
تظن الوفا كلمه عجب وأصل الوفا وقفات
صغير الشي في ظنك يصير اكبر معاناتك !!
ترد الخطا يمي .. تزيد الالم شرهات
وانا صمت الشقا فيني حكى من كثر شرهاتك !!
توالت كلها فجأه .. تعاظم بالحشا صدمات
يجي يوم وتواري شمسنا من ليل صدماتك !!
ذكرتك .. والدروب اللي تعانق خطوتك بسكات
وانا ما زلت اسافر بين نظراتك وضحكاتك !!
ذكرتك .. وانطفى جمر الكلام وذابت الشمعات
سهرتك واستفزيت النجوم بليل خصلاتك !!
تعال .. واذرف دمعك على قلبٍ كثيره مات
تعال .. وخذ الباقي يفيد لوقت عزواتك !!
تعال .. لاتخلي السنين المقبله تقتات
من افراحي ولحظاتي .. وذكرياتك !!
تعال .. وواعدني .. لاشقا .. لاكذب .. لاغلطات
ترى ما للصبر باقي على كذبك .. وغلطاتك !!
تغيرت ولا ادري وش جرى .. وش غير النيات
سألتك واعتكف برد الجواب فـ معطف آهاتك !!
تقول انتي في راحه .. واقول من القهر هيهات
انا لا جـيت للراحـه .. تطـاردني مسـافـاتك
العرض الشجري
