الجزء السادس والعشرين:
انا مدري ليه معني نفسي ورايح للمستشفى اجيب اختس وهي جاية مع رجلها ومخليتنا..!
مزنه وهي تضحك على شكل سعد وهو يشرح لها بقهر:يالله منك كل ذا حابسه في نفسك .. وماقدرت تقوله في وجهها..اجل وانا اختك عيّن خير..اختك اللي هي اختي بتجي في بيتنا..يعني اقتص بنفسك منها وخذ راحتك بعد لأن رجلها مهب معها...
سعد وهو سارح بفكره مهب مع مزنه التفت عقب ماخلصت كلامها قال وهو متردد:مزنه..بغيت اسألس ..هند وش الألوان التي تحبها..يعني اثاث غرفة النوم..والوان الحمام..والوان جدران الغرفه..يعني قولي لي وش احط ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
مزنه:وانا اقول وش موديك ورى الشمس..اثره هند ..يالله ولا يهمك اهم شيء راحتك لاوصلنا دقيت عليها اسألها...!!!!!!!!!!
سعد بدون ماينتبه لشكله وطريقة كلامه قال:لا لا لا ..اقصد الحين دقي عليها واسأليها..وبعد حطي عالسبيكر عشان يمكن ماتحفظين بعض الألوان..!!!!!!!!!!!!!!!!!!!!!!!!!!!!!!!!!!
مزنه وهي تضحك:انا اللي مااحفظ بعض الألوان..بس معليش اعديها هالمره بس..ومسكت جوالها تدق على هند فتحت على قائمة الأسماء واختارت"سحيله ام الخلاقين"وضغطت إتصال...وكلها كم رنه الا وحطته عالسبيكر بعد ماشافت سعد يأشر لها تحطه..وعلى طول طبت هند :الو وعليكم السلام معك هند سعد محمد ال.......
مزنه:هو انا سلمت اصلاً ..! يالله انك ترجها جيداً حتى انها تعتدل ولا تنهبل...
هند وهي تضحك:ليه عصير الربيع وانا مدري..المهم وش تبين..؟؟؟؟؟؟؟؟؟؟؟؟؟؟؟؟؟؟؟؟؟؟
مزنه:وش ابي..طيب يامرت اخوي..انا ببلعها وبسكت مهب عشان خاطرس..عشان خاطر ناس والله..
هند وهي تقلد صوت مزنه: مهب عشان خاطرس..عشان خاطر ناس والله..الله والناس عاد كلهم سعيدان..يالله انجزي وش تبين محمد يابعد عيني جايع..ويبي له عيشه..
مزنه خافت لاتخربها هند وقالت بسرعه:طيب وش الألوان اللي تحبين عشان اقول لسعد يحطها بدون مايدري انس طلبتي..؟؟؟
هند وهي تفكر:ممممممم..طيب قولي له يدمج كل الألوان الموجوده في العالم..ويصبغ بها الغرفه..ولاخلص يصبغها بأبيض....!وقعدت تضحك يوم شهقت مزنه:خساير بس..انتي والله اللي بتفقرين اخوي..هند وهي تتدلع:والله حبيبتي اخوس رجلي..وهو اللي جابها لنفسه..مهب عاجبه يصبغها اصفر..وقعدت تضحك..بعدين تحول كلامها لجديه وقالت:شوفي ياطويلة العمر انا لون الجدار ماادري..بس اتمنى ان غرفة نومي تكون الوانها مابين الذهبي والأحمر..والحمام ماتكون ارضيته بيضاء..وسلامتس...واهم شي غرفة الملابس يكون لونها بني محروق..عشان احس بالفخامه........!!!!!!!!!!!!!!!!!
مزنه بدون أي نقاش قالت :اجل مع السلامه وقفلت..لأنهم وصلوا البيت ونزلت بدون أي كلمه بينها وبين سعد تفتح الباب لنوره وزوجها اللي وصلوا عقبهم بشوي..!!!!!!!!!!!
الله لايوريك..كنت اعاند الضابط..إلى ان يعصب ولاشفته عصب ارتحت بس هو مايخليني ارتاح يحط بلكه على صدري وبلكه ثانيه على ظهري ويقول امش..وتخيل امشي كيلو يمكن.. وبعدها يعتقني ويقول لاتتعودها بس اخوك ذيب..يحب العناد..
فايز قام واقف بشكل سريع وقال:الدروس الدروس..بروح آكل الكتب اكل تعرف آخر سنه وانا إنسان اخاف على صحتي..بجيب نسبه وابعد راسي عن وجع الراس..وراح ركض لغرفته..
وهو في الطريق صادف امه جاية للصاله اللي قاعدين فيها..ولما شافها محمد قام بسرعه يحب راسها ويقربها ..
ام زيد:الله يرضى عليك يمه..جعلني ماافقد زولك..جعلني اشوف عيالك واكحل عيني بشوفتهم..في هالأثناء رفع محمد يده وقال من كل قلب:آمــــــين..الا يمه على طاري العيال انا ابي اعرس..بس مهب ذالحين يعني بعد مااستقر في الوظيفه..والوالد ان شاء الله مهب مقصر علي..
ام زيد:بس ماطلبت شي يمه من بكره اروح اخطب لك فاطمه بنت خالك.........!!!!!!!!!!!!!!
محمد وهو فاتح عيونه قال:لا يمه انا ماابي فاطم انا ابي مزنه..؟؟؟؟؟؟؟
ام زيد:وش فيك بسم الله عليك..هماك خطبتها وعيت..وخطبتها ثانية وعيت..ياولدي عز نفسك واللي مايبيك بعه..
محمد وهو يزفر:اسمعي يمه مزنه ماكانت ترفضني الا لأني ماكنت اشتغل بس الحين اشتغلت..
ام زيد بحنية الأم قالت:دامك كذا اجل الله يصلح لك شانك ..توكل ياامي ..
محمد وهو مهب مصدق كيف بسهوله قدر يقنع امه قال:خليه عقب عرس هند وسعد..!!!
يالله نوره انا ماشي توصين شيء..؟؟؟؟؟؟؟؟؟؟؟؟؟؟؟؟؟؟؟؟؟؟؟؟
نوره وهي تناظر زيد بحب:سلامة روحك انتبه على عمرك.. بعدها طلع زيد من جيبه فلوس ومدها عليها وقال:خلي ذي معس وانا العصر ان شاء الله بمر عليس..ومد يده لبنته وخذاها يبوسها بين عيونها وقال:انتبهي على نفسس وعليها وكُلي زين..
نوره وهي تبتسم تحت النقاب قالت:ماطلبت شي ولايهمك..يالله مع السلامه وفتحت الباب عشان تنزل..ونزل زيد ينزل الأغراض من الشنطه وبنته في يده..
وبعد مادخلت نوره مد البنت على مزنه.. وعطى سعد الأغراض اللي قام سعد بدوره يحثه يدخل لكن زيد رفض بحجة ان عنده شغل لازم يخلصه وبيمرهم العصر....
دخّلت مزنه نوره في مقلط النساء بعد ماجابت السرير حق نوره قبل ماتتزوج وحطته فيها..عشان لاجاء احد يبارك لهم يقدر يدخل لها.. وقالت لها:انا بروح اسوي عيشه لس بسوي ذيك اللي كانت امي الله يرحمها تقول انها تاكلها لاولدت عشان ترم عظمها..وحطت الصغيرونه جنب الجدار ..وهي تقول:انا مدري متى بيكون عندي جرأة وانا اشيل الأطفال الصغار..وسكتت لما سمعت سعد يقول:لااعرستي وجاس صغار عرفتي تمسكينهم..
مزنه وهي تتأفف:انت وش عندك لك كم يوم تبي تزوجني وبس..!!!
سعد وهو يضحك بعد ماجلس جنب الصغيرونه :والله ابي الفكه عشان يخلى لي الجو يالمدلعه..
نوره وهي تبتسم:بدري..ماعليك هند شرانيه بتاخذ حقوقها كامله مكمله..
قعد سعد يضحك لكن مهب على كلام نوره..قعد يضحك على كلام هند في السياره وفي الأخير قعد يتذكر ضحكتها اللي كانت بحة صوتها فيها واضحه..كان صوتها ناعم وحروفها رقيقه ومع ذلك صوتها مبحوح..فيه نغمه حلوه..وضحكتها رنانه وإسترسالها حلو..!!!!!!!!!!
خير زيود وش فيك معصب..؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟
زيدوهو يتأفف مهب معصب بس مشتاق..!!!!!!!!!!!!!!!!!!!!!!!!!!!!!!!!!!!!!!!!
محمد وهو يتريق:لمن ياحظي البنت ولاامها..
زيد وهو يلتفت له بنص عين:مالك دخل..بعدين البنت بنتي والأم زوجتي انت وش حاشرك بين التفاحه وقشرتها..
محمد وهو فاصل من الضحك:يلعن ام الفله..اروح ملح انا..خطير هالمثل ممكن تسلفني إياه.؟؟؟؟؟؟؟؟
هند وهي تلعب بجوالها قالت:طيب رح لها...عادي مافيها شي سكتت لما شافت زيد يقول..بشرط تروحين معي لهم؟؟؟؟؟؟؟؟؟؟؟؟؟؟؟!!!!!!!!!!!!!!!!!!!!!!!!!!!!!!!! !!
هند وهي تقوم بعصبيه:والله ان تبطــــــــــــــــــــــــي..!!!!!!!!!!!!!!!!!!!! !!!!!!!
يالله يمه انا طالع لبنتي..
هند:ياليل غثنا ويا ذا البنت..يااخي سمها وريحنا.بنتي وبنتي كأن مافيه احد عنده بنت الا هو..
زيد وهو يشد شعر هند بعد ماقرب منها قالت امه:الا وش بتسمونها يمه..
زيد:اكيد مايبيلها شيء عليس يالغاليه..زيد سكت لما سمع صرخة امه يوم قالت:والله ماتسمى علي هذاني حلفت والله..تخيروا في الأسماء الزينه وانا امك وانحش عن اسمي..
زيد وهو يقرب يحب يدها:ليه الله يهديس..خلاص اجل نسميها هند..افا وانتي بعد ياهند اه بس لو مكنتيش تحلفي............!!!!!!!!!!!!!!!!!!!!!!!!!!!!!!!!! !!!!!!!!!!!!!
هند بقهر ممزوج بغباء:بس انا ماحلفت..!!!!!!!!!!!!!!!!!!!!!!!!!!!!!!!!!!!!!!!!!! !!!!!
مزنه ادخلي داخل زيد بيدخل...............
قامت مزنه ودخلت داخل بعد ماسندت نوره عشان تقعد هي الثانيه..وعلى طول دخل زيد اللي كان شايل في يده اكياس مكتوب عليها عالم الطفل وثانيه مذركيرقال:سلام على الله على الصغيرونه وامها...وقرب من نوره وحب راسها وهي منحرجه من سعد اخوها...ومنحرجه بعد لأنها ماكانت متوقعه هالخطوه..بس اللي تفاجأت منه هو زيد يوم نط على السرير وجلس عند بنته.. وشالها وحطها في حظنه وهو يقول وش نسميس يافصعونه..؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
نوره:تعيش وتجيب لها يارب...!!
زيد وهو يناظر نوره:ويخليس لها ..هاه ياامها وش نسميها..؟؟؟
نوره:براحتك انت وش تبي تسميها..؟؟؟؟
زيد بعد مافهم قصد نوره من هالكلام:قال والله امي حلفت من الأسم..وهند ورجع نظره لسعد اللي رفع راسه عن الجوال ماابي اسّمي عليها اخاف تطلع بنتي شيطانه وعناديه ومدلعه..
سعد:الحين هند هي الشيطانه..الا ياحظكم كان طلعت بنتكم عليها وطلع وخلاهم يناظرون فيه..!!!!!!!!!!!!!!!!!!!!!!!!!!!!!!!!
ورجع زيد التفت على نوره وقال:شوفي البنت هاتيلها اسم انتي وانا موافق..ان شاء الله لو شقحاء..!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!!!!!!!
محمد بليز لاتجبرني..انا مااقدر اروح..يازين شكلي بينهم..
محمد:اقول خلي الدلع وامشي..
هند وهي تحاول تفهمه:محمد انت تخيل شكلي بس..عرسي بعد ثلاث شهور وثلاث اسابيع..والله صعبه اروح لهم الحين..
محمد وهو يحاول يملك اعصابه:اسمعي انا بطلع للسياره..ووالله لو ماجيتي والله شوفيني احلف ان اسحبس بقميصس ذا لبيته وفي طريقنا نجيب المملك..
هند وهي تتهرب:اجل خله يملك لك على مزنه..وطلعت تمشي لغرفتها لما سمعت محمد يقول:وانا اقول بتجين يعني بتجين...!!!!!!!!!!!!!!!!!!!!!!!!!!!!!!!!!!!!!!!!!
وهم في السياره قال محمد :هندوه..
هند في خاطرها وجعوه بس قال بتمطع:نـــــــــعــــــــــــم...
محمد وهو يبتسم بخبث:نعامه ترفسس..غصب تجين..صــــــــــح؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
غريبه مزنه وش عندها منيره جايه تبارك..؟؟؟؟؟؟؟؟؟
مزنه بإستغراب وهي تلتفت على هند:والله مدري يختس..لكن عينها فيها شر..اخاف تحذف لها شي من هنا ولامن هنا..الله يستر على نوره بس من لسانها..ومااماها تخلص الا ومنيره تقول:مبروك ماجاس يانوره..بس سبحان الله طلعتي لأمس ماكانت تجيب الا بنات..ونصهم ماتوا الله يرحمهم...وقطعتها ام زيد لما قالت:اقطعي واخسي..قص بلسانس يالكلبه ..احشمي نفسس واحشمي المكان اللي انتي فيه..انتي وينه رجلس عنس فاكس تأذين الخلق؟؟؟؟؟؟
منيره بكل قواة وجه:ابشرس ياعمه انا تطلقت..والله فكني...وبيرزقني باللي يبيني...!!!!!!
مزنه هنا وصلت معها ودخنت وماقدرت تمسك لسانها لما قالت:مهب غريبه عليس يابنت فاطمه ماتحبين الا المستعمل.......!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!
زيد كان ساكت وهو يسمع هند تعلم محمد باللي قالته مزنه وكيف وقفت منيره عند حدها واجبرتها تقوم تطلع بدون مااحد يطردها لما قالت صدق ماعاد فيه احد يستحي على دمه..
محمد:بعدي عليها والله الذيبه..تعلمي يالخلفه تعلمي..كل ماقالس احد كلمه عودتي تبكين..شوفي الناس الفاهمه كيف ترد....
فايز:أيــــــــــــه عاد من يصفق للعروس..!!!!!!
محمد دفه برجله وقال:اقول انثبر ...
زيد اللي اخيراً قرر ينطق..قال:هند تعالي ابيس في شغله..وطلع من الصاله رايح لبيته..
مسك هند مع يدها ودخلها الصاله الفوقيه وجلسها على الكرسي وقال:نوره وش كانت ردة فعلها على اللي صار..؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
هند:ابد قالت نوره مهب حنا اللي نهين ضيوفنا في بيتنا بالذات لاصاروا ضيوفنا بايعينها ..لاتزلين نفسس للي اقل من مستواس..وناظرت مزنه وقالت:قومي حبيبتي جيبي القهوه للنسوان...!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!
زيد ابتسم نص إبتسامه وقال:طيب يالله سوقيها ودفها ينزلها مع الدرج.....!!!!!!!!
تكفين مزون..احس اني بديت احس اني عروس بعد شهرين..وتوني احس وانتبه اني ماجهزت شيء..............
مزنه:لا الحمدلله فيس رجا دامس حسيتي..اجل يالشاطره قومي جهزي نفسس..الظاهر ان المهر سلمه سعيدان من يوم وافقتي..ولا تكونين؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
هند بملل:لااكون وش؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟
مزنه بخوف:ضيعتيه في التويكس!!!!!!!!!!!!!!!!!!!!!!!!!!!!!!!!!!!!!!!!!!!
تصدقين النوري شعرس كذا احلى..صح اسود حلو..بس هذا يناسب بشرتس اكثر..وشعرس طول..والقصه الجديده محليته..تكفين بروح معس غرفتس بدوم مايدري زيد عشان اشوف ردة فعله....؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟
نوره:بالله تصدقين انس خارقه..اقول قومي بس قومي ضبي معي اغراضي..الحين تشوفيني فارضة على زيودي حظر تجول في بيتنا ولابغى بنته ارسلتها له مع سعد في المجلس..اخليس انتي تشوفين ردة فعله..هذي صراحه قمة الظلم..
مزنه بإستهبال:عند خشمس..بغيت اساعدس بس انتي رفضتي خليس فاكره..
نوره وهي تناظر نفسها في المرايه:الا اقول مزون كرشتي باقي واضحه..؟؟؟؟؟؟؟؟؟؟؟؟؟؟
لا الحين اشوى بس يبغالس تستمرين عالجهاز عشان ترجعين الرشيقه الأولى..بس تصدقين سمنتي..في النفاس..وترى كله من غذائي لس...................................!!!!!!!!
نوره وهي مفتحه عيونها:الله والغذا..كلها طبخه وحده اللي تعرفينها..وتفطريني وتغديني وتعشيني هالطبخه...الله يخلي لي عمتي اللي ترسل لي دايم المرقوق..والمرق..والعصيده..!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!!!!!!!
اشوا ان زيد ماطلع معي..وجلس عند اهله..عشان يمديني اضبط مكياجي اللي خرب وحنا واقفين..وماامداها تخلص كلامها الا وباب الغرفه ينفتح..شهقت وحطت يدها على فمها...!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!!!!!!!!!
مع فائق ودي واحترامي
نـــــــــونــــا
مشكورين ع المرور عزوفه
●MŭήâMmāĐ●
العرض الشجري
