اتمنى ان تحوز هذه المتواضعه ولو على القليل من اعجابكم ورضاكم .....
( الروضه )
لبيه يالروضه ولبا لياليك= ولبا زمانٍ كان لي بك حبيبه
جيت الديار الي بها كنت الاقيك=يوم المحبه والغصون الرطيبه
مريتكم بالعيد قصدي اهنيك=وياليتني ماجيت وقت المغيبه
ساقتني الخطوه على بابك ادعيك=وجاوبني الباب الحديد وصليبه
يا خطوة العاشق ماعاد يمديك=صاحبك ماظن الليالي تجيبه
كانت هنا.. تسولف بك وتغليك=وكانت تقول انك دواه وطبيبه
وطال انتظاره لك وابطت تحاتيك=ومن غيبتك تمسي وتصبح كئيبه
وشفيك تايه قلي اليوم وشفيك=ارض بنصيبك واتركه في نصيبه
تلقا مع الايام منهو يداويك=تنسى معاه اللي هويت وتسيبه
تابع مسيرك واتركه لايشقيك=قبلك ترى تااااهت عقولٍ لبيبه
وسلامتكم/ فهد الفريدي
العرض الشجري
