عوّدوا عن حدنا يوم النوايا واضحات=دام شفتوا الدم الاحمر عوّدوا عن حدنا
جيش ال سعود ماهو هايب ٍ فيه الممات=مانهاب الموت لوهو مقبل ٍ ماردنا
ايه يالحد الجنوبي لايهمونك شتات=زمرة ٍ من خلط جات و واقفات ٍ ضدنا
والله إنّا في حماك ولا نمل ولا نبات=زمرة ٍ يوم إبتلتنا ماهي والله ندنا
( يوم مس القوم قصف ٍ شايلاته طايرات )=عوّدوا والحرب يوم ٍ فيه فيهم سدنا
فالسما طيّار والا الارض فيها من المُشات=قوم لا قلت المعارك ردوّا هيّا وِدِنا
كل جندي فالحدود وداخل ٍ نفسه صفات=الله وعقبه وطنّا والمَلِك به شدنا
العَلَم فيه الشريعه بيرق ٍ قام الصلاة=بيرق ٍ دايم يرفرف فالصلاة يعدنا
بيرق ٍ صِنع المليك اللي له إبداره وصات=قال شعب ٍ فالجزيره من اهلنا وبدنا
الحُكُم يادار عبدالله تراه من النوات=حاكم ٍ صان الشريعه بالكتاب يمدنا
حاكم ٍ صان الأمانه واحنا ياجنده حمات=داره اللي ماتهان ولا يقصّر كدنا
دمّي اليومه فداها والحميّه يوم جات=هان ِ يادار الأعادي يوم شافوا جِدنا
جندنا واحد تراهم في تهامه والسرات=وين مايخطي عدو الدار ماهو قدنا
ياديار العز دار ٍ مايطاولها الجنات=من يقرّب للحدود إتطول راسه يدنا
العرض الشجري
