رقيت رجمن ما بحياتي رقيته
بسربال دون قارته مطلهفه
مشكور ياشخص لمثلي بنيته
جمع ذهابه من رصيفه وصفه
بجميع مايكفل عماره بنيته
تلعب على كل الهبايب ادرفه
يجيه من حال الزمان بحميته
لاجل يهيض عبرته عن ضفه
ذهبت يم المعتلي واعتليته
روح العنا لاراقبته مستشفه
من اعتلا به قام يجذب نهيته
قديه من نار الفراق يتنفه
نقض علي جروح غالي نسيته
والدمع ماعندي اعصابن تكفه
العين تبكي غايبن محتريته
واهمالها نار الضماير تدفه
ياونتي ونه حمامه سريته
تروعت تبي السما ومستخفه
وشلع علها طالعن من مبيته
وقامت تراقيه ولطمها بكفه
قلب لها واودع نحرها فتيته
مشت ثناديها تطاير شظفه
على عشيره ما ادري وش قضيته
ياجامعن زين وجمال وعفه
مايوم راودني بشي وعصيته
ياشبكن روحي بكيفه وشفه
يراوالي ان الشمس تبزغ بييته
ولا القمر قبل يميل بمهفه
يلعب بقلبي مثل دوك العميته
بدق النصاح وراعي الكار زفه
وعيني تقول القلب انا رميته
ولا اعد له كسره تضبه سنفه
صورت مايخفى عليك وعطيته
يما صدف له واحدن هو مهفه
العين عين مبرقعن شاع صيته
اودعتني من كثر الوجاس قفه
الشاعر راضي الدليمي
العرض الشجري
