السلام عليكم ورحمة الله وبركاته ..
احب ان انقل هذه الابيات المؤثره التي تحرك مشاعر الحزن وتقطع نياط القلوب لكل فرد يفهم هذه الابيات ...
هذه القصيده واقعيه لقصه مؤثره عاشها الشاعر ( ابو فهد ) واولاده لمرض طويل لازم الوالده ( ام فهد ) < رحمة الله عليها > وقد توفت في 1/6/1424
وسوف اكتب القصه في وقت لاحق ان شا الله ....
فتأملوا معي هذه الابيات التي تعتبر اروع ماقيل في المرثيات في الوقت الحالي
(( المرثيه ))
ياللي تحطون المغذي على الـــهون @ بالهونكم بالهون لا توجــــــعونه
جسمه نحل وانتم لحاله تشوفـــــون @ خــــلاقه اولى بس لاتـــــعذبونه
بالله خلوها لمن يعلم الكـــــــــــــون @ بعنــاية اللي مـــاتغمض عيــونه
بعناية اللي له عباده يصـــــــــــلون @ ارحم من المخلوق لو يرحــمونه
ياشفت حاله باح ماكــــان مكــــنون @ وشكواي للمعبود منشـــي مزونه
مشيت من عنده وانا القلب مشطون @ كل الدكاتر عندها يفــــــــحصونه
عصر الثلاثا الياس للقلب مــــقرون @ ايست انا واطــــلب من الله هونه
يوم الربوع الصبح دق التلــــــــفون @ قالوا عــــزاك بـــــغالي ترتجونه
وعلمت انا عيالي وقامو يصـــــيحون @ وقمت اتصبر ودمع عيني يخونه
قلت اصبرو ياعيال والصبر به عـون @ الـــــصبر مفتاح الفرج يذكرونه
انتم عيال وطول الايام تنــــــــــسون @ مـار البــــــــلا بنتي تجدد غبونه
تضحك قبال الناس والقلب مــــحزون @ قلـــبه حزين وضحكته بي سنونه
ياالله عسى الغاليه بجــــــنات وعيون @ عســـــاه بالفردوس بعلى ركونه
راحت وجيرانه بفرقاه يبــــــــــــكون @ بزين الطبايع والرحم يذكرونــــه
ياجيت انا للبيت ياتقل مسجــــــــــون @ كني بسجن وعسكرٍ يحرسونــــه
الموت لرقاب المخاليق مضمـــــــــون @ وكل الخلايق بسرا يحترونـــــــه
.................................................. ...................................
فاتمنى ان اعجبتكم هذه الابيات الجميله ...
واعدكم بكل ماهو جديد للشاعر ابو فهد وغيره الكثير ...
شكرا ,,,,,,,, تقبلوا تحياتي
العرض الشجري
