خـــــــل العذر ،،، ياموجع الليل بالناي
ليلك عــــجـــل ،،، (والسالفه)سرمديه
أقــــرب من الضيقات وابعد من بكاي
وأشــــــــــد من صد الخوي عن خويه
ياما ذكــــــــرت الوقت والوقت نساي
وياما قتلت الــــــــــروح والروح حيه
وأنـــــــــــــا بطبعي لاتثاقلت شكواي
على صـــــــــــــــدر غيري بقت داخليه
تـكـبـــر ،،، وتكبر مثلها ضحكة شفاي
ويــــــــــــــــردد اللي مادرى واااهنيه
وإنــــت إن بلشت بغلطتك هاتها جاي
إغلط بكيفك واتـــــــــــرك العذر ليه
أنـــــا اللي آسف وأعتذر عن سواياي
آســــــــــف على غلطتك وآسف عليه
الــــــــذنـــــب ذنبي والخطايا خطاياي
والا انت مــــاجــــــا منك ذنب وخطيه
ذنبي وعـــــــــذري للزمن طيب مبداي
ضحيت لاجلك ، ، ، ، لين صرت الضحيه
تـدري وش أبغى منك أنا قبل فرقاي
تـدري وش أبغى تقول عن طيب نيه
أبغى تقول ،، أوعادتدري وش الراي
إسكت مــــــــــدام (السالفه) سرمديه
___