(( يا ليتـنـي له ظل ))

[عازف الود]

في أجواءنا الشتوية هذه يطيب لي ان أقدم لكم هذه المتواضعة أرجو ان تنال إعجابكم وتحوز على القليل من رضاكم

الله على ريــح السَّمــر لااشعلــوا فيـــه ** تجيبــه نسمـــات الليـــــــالي واشمّــــه
يحيــر فكــري وقتــــها في طـواريـــــه ** طـاري ٍ يجـــي بشتــاتٍ وطـاري يلمّــه

ليل الشتاء يطــول لااقفـــت عصاريـــه ** ليلـــه طويــل وكل عاشـــــق بهمّـــــه
أحــدٍ مـولــّع وأحــدٍ الشــوق حـاديـــه ** وأحــدٍ معــه خِلـــه وأحــدٍ ما يهمّــــه

وأحــدٍ معـه من خِلـه طيــفٍ يبـاريـــه ** وأحـــدٍ يقضّـي الليــل بهمّـــه وغمّـه
وأحدٍ عطـاه الحـظ واجـزل عطـاويــه ** خـِلّــــه بجنبــــه كل وقـــتٍ يضـمـّـــه

وانا مـع اللي حظــه دايـــم معاديـــــه ** سحــابـة اشواقــــه ســـوداً مدلهمّـــه
أسبابـها اللـي باعنـي وانــا شـاريـــه ** وقربــه دوا قلبــــي وبعــــده يسمّــه

يا كـم وكـم يخطي وانا اللي اراضيـه ** ومنِّـي حنــــان ٍ ما يشوفــه من امّـــه
بليّا خطـا جفـاني واقفـت خطـاويــــه ** لا راعى في حالي ضميـــر ولا ذمـّـــه

يا ليتـنـي له ظـــل دايـــم وابــاريـــه ** والا ولــد خـــال ٍ له والا ابـن عمّــه
ميـر البــلا عني المسافـــه تقصـويـه ** لا هــو قريــبٍ لــي ولا نـيب يَمّـــه

انا دخيــلك راعي السَّمــــر تطفيــــه ** ما بــه عذاريــب ٍ ولا بـــه مذمّـه
لاشك ريحــه يجـذب الفكـــر يدعيـه ** وقلبـي مــع الطـاري عذابـــه يعمّــه