تنفيذاً لأوامـــر الإدارية ( شمس القوايل )
أحببت أن أشارككم بكيبورديّة عســـى أن تليق بعطائكم وبهذا القسم
وعسى ان تشفع لي امام أختي شمس القوايل
..
..
بلا مـتى .. أو كيف .. أو وين أو ليش
أبســأل العقّال بسؤال مجــــــــنونْ
نذنب .. ونتعــذّر عن ذنوبنا .. "بطيشْ"
ذنبٍ كبيـر وإن قلت طيشٍ تعــــذرون ؟
هو ../أكبر .. أو أقبح ..من الذنب أو إيشْ ..؟
ولاعشـــان انتم بماضي تطيشــــون ..؟
نرفع أحد ويجــــاوب الرفع تهميش
ونقول حنا العِــرْف وحنا ولا لـــــــــون
قلنا الجناح يطيّر الطير يالــــــريش ؟
طب لا نتفنا ريشهــــم ../ هم يطــــيرون ؟
والبندق إن ماصابتك جاك تشويش ..؟
والضرب لو ماماتهم منه يقـــــــوون .. ؟
نضحك علينا ونركب العرش تعريش
نجهل وعاجب جهلنا .. كل هالكون
نقرا القمم مقلوب ونشوفنا ويش
فوق البشر وأعلى الأمم طالعه دون
هو ينتصـر بالمعركــة عقل أو جيش ؟
يامجندين العـقل في خدمة الهــــون
وياصاح ../ إرفـع راسك إن كنت بتعيش
الناس تنقص ولا لـ / نقصك يشوفون
أو ينصفق درويش وتبكي دراويش
إصفق وحيــــد وكلبـــــــــوهم يصيحونْ
وإن زل قولــي إحسبوا فكرتي "طيش"
هو بس أنا ..؟ كل الأوادم يطيشـــــون
رائد النايف