اهل السعوديه - حسين الساعدي

[ابحث عنك]

أهل السعوديه

عدهم غزالاً شارداً في البريه.

نظره نظرني طحت منها رميه.
أيَس طبيبي راح اشوف المنيه.



ابسهم من العين في قلبي صابه
ما فاد فيه اعلاج كل الطبابه
قرروا اهلي وبعد كل القرابه
ابقتلي يتهمون ااهل السعوديه


بنظره خلاني الليل كله اَساهر
مشغول فيه البال وبهمي حاير
خلاني بين الناس اَكسر خواطر
في جرحي للاحزان سواني شاعر

وينه اللي ينقذ روح هسه ويجيبه
ادواي بيده والمنيه قريبه
والغربه للمجروح كلش صعيبه

من غربتي يا اهلي اكتب وصيه
بقتلي تتهمون ااهل االسعوديه

ما شفت راحه يوم صدلي ابعيونه
بيهن سحر وارماح تجرح جفونه
يا اهلي ما اعيش لحظه بدونه
والجرح ميطيب لو ما يجونه

للحزن بلعين زارع علامه
خلاني للناس صاير ملامه
يا اهلي كلموه فد ابتسامه

اتطيب جروحي ا ولو تاخر عليه
ابقتلي تتهمون ااهل السعوديه

بالله اشيجيبه والمسافه طويله
بلكت يلحك يشفي روحي العليله
كل ليله اشوف الموت في كل ليله
لو ما اخاف الله كنت اشتكيله

الشكوى لغير الله تَصبح مذله
وحالتي صعبه يابشر ماهي سَهله
ياشاب مثلي ابقصته احتارو اهله!

ابنظرات العيون اَشكد شاف الاذيه
ابقتلي تتهمون كل السعوديه


بقلم
حسين الساعدي


منقول