يالله يالله تخلي لي محبتها
وتهون الجرح في قلبي وترعاها
وتخفف احزان دنياها ولوعتها
وتثبت الناس لاتخطي وتبلاها
يامفرج الضيق ريحها بنومتها
اليا اشغلتها عن المرقاد بلواها
حسيت انا بصوتها واسباب ضيقتها
من قبل لا تقول وعيوني تباكاها
من عقب ماتشغل الدنيا بضحكتها
اليوم مامرت الضحكة على شفاها
قال الزمن كلمته .. ماسمع كلمتها
ماعبّر أحلامها مع من تمناها
بين أمها والخوال وهرج عمتها
من غير ابوها .. قريب الناس واقصاها
يوم اغصبوها ولاصانوا كرامتها
توجهت للكريم وقالت ادعاها
صدت .. وبعيونها ياكبر شرهتها
واقفت مهي مصدقه طعنات دنياها
والطاري اللي تسبب في نهايتها
يوم اذكرت من يموت بليل فرقاها
هذاك تفرح عيونه بجيتها
هذاك من يكتم الضيقات لرضاها
ضاقت عليه الدروب وباس صورتها
ماعنده اغلى من الصورة وذكراها
هذاك انا واكرهك يايوم ملكتها
مجنونها ماعرف من وين يلقاها
وشلون أبصبر على ضيان زينتها
وشلون امر بيتها من دون لا ألقاها
لا لولشن مترفات البيض حزتها
هذيك ترقص .. وذي تضحك وتنصاها
الموت يااكليلها ووروود كوشتها
خص ٍ إليا حطت ( المسكة) بيمناها
خواتها يلفحن في ليل دمعتها
ماكنهن عايشن ماصار وياها
واكبر مصيبة إليا قاموا بزفتها
وراحت معه والجروح القشر بحشاها
للشاعر :- نايف الرشيدي
العرض الشجري
