۩ رواية "الا ليت القدر" للكاتبه بقايا شتات..

[قلب الزهـــور]

رواية "الا ليت القدر" للكاتبه بقايا شتات..

بالغرفه الخارجيه..
دخلوا لانا ودانا وهم لابسين وكاشخين..
: ها ابتهال ما خلصتي !!
كان جالس قبالهم وطالع اشكالهم وهم في قمة الاناقه وماسكين عباياتهم في ايديهم..ولابسهم ما كان ساتر ابد..ونزل عينه من الحياء..
طلعت عليهم ابتهال..
: يله انا جاهزه..
لف عليها سلطان...صار لبسها قريب لهم..وواضح ان ذوقهم صار واحد .
واخيرا علق: على وين !!
ابتهال وهي تلبس عبايتها: بنروح لاشواق..اللي قد شفتها هنا ..
سلطان حط رجل على رجل: وبمناسبة ايش تروحين عندهم ؟؟
دانا تدخلت: سلطان..بدون مناسبه.ايش فيها اذا رحنا ؟؟
سلطان طاحت عينه على لانا اللي كانت ساكته ولا علقت وتطالع ابتهال..
وبعدها بسرعه: ادري ما فيها شي..بس مو كويس كل يوم رايحين لها..
ابتهال انقهرت: بس اليوم يا سلطان والله ضروري نروح لها..
سلطان سكت شوي.
وتكلمت لانا وهي ما تطالعه: اذا ما تبينا نروح ما رحنا..
دانا وابتهال لفوا عليها منصدمين..
دانا: وش اللي ما نروح..انتي عارفه اليوم ايش بالنسبه لها..
ابتهال: نبي نفرح معاها...
سلطان حس ان وده يضحك عليهم..لانهم شوي ويبكون وهو قاعد يلعب بأعصابهم..
: خلاص ..خلاص انتي وياها ..راح اخليكم تروحون بس لا تتاخرون..
ابتهال وهي تطلع بسرعه من الغرفه: ا ن شا الله..ان شا الله... يله بسرعه بنات...
ومن طلعوا مات سلطان عليهم من الضحك بجد كلهم على نياتهم ...حتى لانا..


جات مدى عنده: اجل وين البنات؟؟ وليش تضحك؟؟
سلطان وقف: البنات طلعوا...وانا بطلع بعد..
مدى: على وين ؟!!
سلطان: عندي شغله ضروري اقضيها..
مدى سكتت تفكر شوي بعدين ردت عليه: وما راح تقول لي ايش السالفه اللي بينك وبين ابتهال ؟؟
سلطان: راح اقولك عليها بعدين...يله باي..
مدى وهي تجلس على الكنب: باي..
جات جانيت عندها: مدام مدى..
مدى لفت عليها : هلا..
جانيت: من بعد اذنك اذا سمحتي اكلم استاذ ضاري بموضوع خاص فيني !!
مدى استغربت: صاير لك شي لا سمح الله..!!
جانيت بسرعه : لالا..بس انو في موضوع خاص فيني بدي اتكلم معاه فيه..
مدى بدون نفس: هو لك..متى ما تبين كلميه..
جانيت لاحظت طريقتها في الكلام عنه بس ما حبت تعلق..
: مشكوره كتير يا ألبي..
ودخلت اريام..
: شفتي اشواق صديقتهم..!!
مدى ابتسمت: ايوه...الحمد لله وهي ربي نجاها بس ترى غيرها صاروا ضحايا لضعاف النفوس..
اريام: كثير تمر علينا حالات مشابهه لها..يارب يستر على بناتنا دنيا واخره...
مدى: اللهم آمين..
اريام مسكت ايد مدى: كيف استعدادك للملكه ..!!
مدى تغير لون وجهها: لا..ما استعديت بولا شي..
اريام : ولا حتى فستان!!
مدى نزلت راسها: ما بعد فضيت..بس راح اروح بكره ادور لي فستان..
اريام: اكيد من بكره..وحتى انا بروح معاك لانو ما عندي شي..
مدى: البنات خلصوا كل شي ما شا الله عليهم..
اريام ابتسمت: ما شا الله عليهم روح الحياة والحماس فيهم وما زالت تنبض.."وطالعت مدى"..ولا تخلينها تموت فيك..
مدى سكتت ولا علقت...


&&&&&&&&&&&&&&&&&&&

في بيت اشواق..
وهي جالسه جنبها: ممكن اسألك سؤال..!!
اشواق: اسألي..
دانا: فيصل شنو شعورك لما سمعت الخبر ؟
اشواق تنهدت براحه: شعوري كان غريب..وعلى قد ما انا فرحت بس حسيت ودي ابكي لحد ما اطلع كل اللي بداخلي..
لانا وابتهال تـأثروا..
ابتهال: بس اهم شي انك الحين ارتحتي..
اشواق: ايوه الحمد لله..احس كانوا جبال على اكتافي وانزاحت..
لانا حست بشعورها ..لانها كانت مثلها..هم اياد كان هم كبير عليها...وكسر فيها اشياء كثيره من ثقله..من جاء سلطان حست راح الثقل عنها..حسن ان وراها سند يقدر يشيل عنها الحمل اذا تعبت..ويرجع يخليها توقف من جديد اذا يأست,,ويحسسها بالامان اذا فكرت ان الدنيا تزرع الخوف بقلبها..وابتسمت وهي تتخيل طيف سلطان لما يضحك..او يتكلم..او حتى لما يعصب ويكون جدي..
دانا: لالا اختي في عاااااالم ثاني .."وغمزت لها"
ابتهال وهي تطل في وجهها: اشوووف..شكله والله اعلم انه عالم حب يا دانا..
اشواق تحمست: جد لنو تحبين !!
لانا انحرجت: اقول بلا سخافه انتي وياها..اي حب اللي تتكلمون عنه..
ابتهال وهي تدق رقبه: على قولة راشد الماجد..بلا حب بلا وجع قلب ..
وقاموا البنات يكملونها على هبال...


&&&&&&&&&&&&&&&&&&&&&&&&&&&&&&&&&&

واقف ينتظر..والخوف ماااااااااااااالي قلبه..
هذا المكان اللي حددوه له..بس لحد الان مابين احد منهم..وغير هالطريق كان مظلم ومحد يمر من عنده..
وبعد دقايق لمح نور سياره ووقفت قدامه..
دق قلبه اكثر..وبلع ريقه..
السياره واضح ان فيها اربعه اشخاص بس نزل منهم اثنين بس؟؟
وقفوا قدامه وجها لوجه..اشكالهم مرعبه قليله في حقهم من ناحية الحجم والطول وغير ملامحهم ما تدل انهم يمزحووون..
وطالعوه من فوق لتحت..
الاول: الحين انت اللي مسوي ازعاج لزعيمنا..!!
الثاني.: لو عندنا خبر..كان خلصنا عليك من اول مره..
اياد مااات خوف وواضح الرجفه فيه بس حاول يتماسك: اقو لانت وياه كبو الهياط..
الاول: هههه والله جد انت دلوعة امك وتتكلم علينا !! صدق ما تستحي على وجهك...اقول وين الصور !!
اياد طلعها من جيبه ومدها لهم..
اخذها الثاني وفتحها يتأكد من شي: اهم شي ان الصور كلها هنا مع الذاكره..بس شوف يا حلو انت..احنا ماشين في الاتفاق صح..تعطينا الصور نبعد عنك وننساك..بس نكتشف ان صوره وحده بس..وحـــــده يا حبيب ماما طلعت منك..صدقني..راح تجيب أجلك بنفسك..
الاول: ومثل ما قلنا لك..احنا ناس بايعه نفسها ما يهمنا أي شي..
اياد ساكت ولا تكلم ولا بحرف..
الاول: يله يا حلو..خلينا نشوفك في اقرب فرصه.."وضحك"
وراحوا...
اياد..ما هدا قلبه لما شاف سيارتهم تبتعد وبسرعه هو دخل سيارته وانطلق عن هالمكان..

&&&&&&&&&&&&&&&&&&&&&&