»الموت ما هو أنك تكتفن بترابك الموت أنك تحب حي ويفارقك
ساره: يقولون الحرمه لما تحب زوجها تصير مواصفات الزوج كلها في ولدها اللي هي حامل فيه.. فمثلا لما كنت حامل بفاطمه كانت مشاعري اتجاه بو نواف خجوله و غير ثابته لكن بعد ما حملت بعواطف كنت احبه بجنون ولهذا السبب عواطف تشبه جاسم اكثر من فاطمه..
محمد على طول ايد اخته اللي يحبها: كلامي مثل كلام اختي و الدليل ان فواز يشبهني اكثر من جسار.. ففي اول ايام زواجي من ام جسار الله يرحمها كانت خجوله ونادرا ما تنظر لي..
فواز رفع يده بضحك: الحمد لله يااا ماما انج حبيتي ابوي قبل لا تحملين فيني ولا كنت صرت مثل هذااا
الكل ضحك لما اشر فواز على جسار الي ضرب كتفه..
رغم ان الحوار كان عن الشبه بين المولود و الاب الا ان الهدف الحقيقي منه بين الكبار هو انهم يوضحون لديما بان كلهم كانت عندهم صعوبات في اول ايام زواجهم و تدريجيا صار يحبون بعض حتى ام فارس اللي ما كانت تحب زوجها نائيا كملت معهم بس رحمه فيها.... لكن نواف كان اذكى من ان موضوع مثل هذا يفوته و خطط في راسه بضربه قويه تدمر ديما..و تكسر البرود اللي تتظاهر فيه..
سعود: ديما حياتي ما قررتي ايش بتسمين بنتك؟
نواف رفع حاجبه على كلمه (بنتك ) وانقهر ليش ما قال بنته هو .. كان بيرد بس فاطمه سبقته: بصراحه لازم نعطيها اسم حلو و غريب وهما يبين جمالها الاخااااذ و دلعها و دلالها الكبير.....
ديما بسرعه استغلت الفرصه و قالت: ولهذا السبب انا قررت اسميها دلال.. اسم حلو و مناسب و يكفي انه اسم امي..
نواف حرك عيونه بغضب على ديما الشيء اللي انتبهت عليه امها و على طول قالت: يا بعد قلبي يااا ديما ما في داعي تسمينها علي العيال ان شاء الله كثار و بتسمين علي وعلى ساره و على اللي تبينه..
نواف فهم مراوغه ام سعود و ابتسم: كلام امك صحيح يا ديما.. العيال كثار و بنتي هذي انا اللي بسميها..
ديما انقهرت منه اكثر خصوصا انها عارفه انه ما كان يبي الطفل ولا يحبه وهي اللي تحملت و اهتمته فيه رغم الضغوط اللي تلقتها ببساطه يبي يحرمها حريه اختيار الاسم: مشكور بس انا مصره اني اسميها دلال..
نواف بعصبيه احرجت ديما: وانا قلت كا راح اسميها دلال يعني ما راح اسميها..
ديما شهقت و امتلت عيونها بالدموع..فاطمه وهي تتظاهر تخفف لها مع انها بالعكس كانت تزيدها قالت: ديما حياتي لا تزعلين يمكن .. نواف في باله اسم معين كان ينتظر البنت حتى يسميها اياه..
نواف: كلامك صحيح يا اختي الغاليه في بالي اسم من مده و الحمد لله انها بنت حتى اقدر اسميها اياه..
فاطمه ماتت من الفرح: هه لا يكون نواف حبيبي بتسميها فاطمه؟؟
نواف كسر بفاطمه رغم انه ما كان يبي هذا الشي: لا ياا حبيبيتي مو فاطمه.. مافي الا فاطمه وحده بس.. انا قررت اسميها .. اإإإإإيمان..
وقع الاسم صعق كل الموجودين ديما اللي شهقت فاطمه اللي توسعت عيونها محمد اللي حط يده على قلبه و جسار اللي صرخ عليه: شنووووو..
نواف ببرود ابتسم له: اسم ايمان اسم حلوو كثير وعاجبني وبصراحه ابي بنتي يكون اسمها كذا..
منصور عصب و انقهر ان نواف ما اختار الا اسم المخلوقه اللي يكرهونه اسم لحفيدته: ما لقيت الا اسم الانسانه اللي احرجتنا و نزلت روسنا في الارض اسم لحفيدتي...
جسار انقهر من كلمة عمه بس ما كان قادر يرد عليه بسرعه قام من مكان و طلع برا الجناح فواز على طول ركض وراه..
نواف تامل جسار و نظراته الغاضبه و حركته وحتى لما طلع وهو يقول في نسفه: تهديداتك ما كانت من فراغ يا جسار و حلمي ما كان يعكس الا الواقع الصعب.. حتى بعد هذا الوقت بركاين الغضب في داخلك ما هدت و ما راح تستسلم الا بعد ما تذبحح ايمان بيدك.. و طبعا هذا شيء مستيحل اسمح لك تسويه..
-
-
جسار كان يمشي بعصبيه كبيره في الممر و هو يتنفس بسرعه فواز اضطر انه يركض حتى يحصله: جسار لحظه وقف!!!
جسار التفتت له : خير شنووو تبي ياا فواز..
فواز بعصبيه مكبوته: جسار ما كان ابدا في داعي لتصرفك اللي سويته من شوي؟؟
جسار: وشلون كنت تبين اتصرف و السيد المحترم نواف متعمد انه يجيب سيرتها قدامي و يثيرني...
فواز: وانت عطيته ردت الفعل اللي كان يبيها..
جسار بعصبيه: شلون كنت تبين اتكلم خصوصا بعد اللي قاله منصوووور...
فواز: كان المفروض تسكت منصور و تاييد نواف في كلامه حتى نبين لهم ان الموضوع عادي..
جسار عطى فواز نظره غاضبه: شلون تقدر تتصرف ببرود و ايمان اللي كنا نتفاخر فيها و في اخلاقها نزلت راسنا الارض,..
فواز: انا بارد وهادي لاني واثق بايمان ولاني اعرفها زين لايمكن تسوي شيء غلط ابدااا
جسار بعصبيه: ثقتك في غير محلها يا فواز.. بنت واهربت من بيت اهلها شنوو معناه ؟؟ شنوو سببه ..
فواز: اكيد عندها اسبابها..
جسار: ذبحتني بهذي الاسباب.. شنو الاسباب اللي تجبرها تهرب و احنا دايما كنا آآآذان صاغيه لهااا
فواز بالم : جسار تذكر اخر حوار لنا مع ايمان... قبل ملكتك؟
-
جسار رغم انه كان ذاكر كل حرف من الحوار الا انه انكر: لا .. ما اذكر..
فواز: بعد كل هذي السنين تظن اني ممكن اصدق كذبك... جسار.. انت قاعد تتوعد و تهدد بانك ما راح ترتاح الا بعد ما تذبح ايمان... لكني واثق بانك في اللحظه اللي راح تشوفها فيها راح تنسى كل شيء و بتضمها لصدرك بقوه..
جسار ضحك: هههههه ضحكتني على موضوع ما كنت ابي اضحك عليه.. ايمان شيء و انتهى يا فواز و اذا صار و رجعت لنا فما اعتقد انها راح ترجع شريفه..
فواز انقهر من كلمته: جسااااااار !!1 ايمان لا يمكن تسوي الغلط!!
جسار: حتى وان ما سوته برضاها راح تسويه رغم عنها لما تشوووف ضغط الحياااه.. بنت و في عمر الزهوور و من غير وظيفه ولا مال... هي مثل الارنب الصغير اللي يسير في غابه مليئه بالذئاب...اسمعني زين ياا فواز .. ان كانت ايمان موجود في هذا العالم و ما ماتت .. فالاحسن لها انها ما تظهر والا راح يكون عقابها الموت..
فواز انقهر من كلام جسار اللي عطاه ظهره و كمل طريقه بس فواز مثل عادته ما كان راح يترك الموضوع يمشيي بسلام: كلمتك الاخيره اكدت لي انك ما زالت تحبها !!!
العرض الشجري
