هذي قصيده تحكي واقع اجتماعي كثــــــــــير منا يعرفه
واتمنى تعجبكم ،،على فكره القصيده للشاعر:فيصل المجفل
لو حكو واستبادوا ماورى الهرج طايل
راس مال السوالف قولة فلان قال
لا يهمك وقدك للهبوب يتمايل
ماعلى الله بعيد ان كان قالوا محال
اللقب مايفشل والأصايل أصايل
انتي مطلقه؟لا يزعجك هذا السؤال
الطلاق أبغضه الله بكل الوسايل
بس يبقى ويبقى رغم هذا حلال
لاتقولين حظك بعده أغبر ومايل
حظك أحلى الحظوظ وعزتك راس مال
أفخري بالقناعه والعوض فالبدايل
جعل فالك يجي له فالمسرات فال
أصلا انتي عشانك بنت أصل وحمايل
مارضيتي يجي للعيب اي احتمال
ماسكتي وسويتي دروووووب وعمايل
وانتي بذمة المسكين ابن الحلال
ماتوقف على دمعه وهمس ورسايل
الحياه أكبر بعين الهنا والجمال
للأسف مااتعضنا من قديم السلايل
وعذرنا الواهي الكذاب باقي مجال
الزواج بعربنا صار مثل الجمايل!!
نتجمل بعمر عيالنا,,ذا عدال؟؟؟؟؟
الزواج بعربنا صار بين العوايل
لو هم اثنين,,نحسبهم حريم ورجال
ندعي بالتكاتف والحقايق هوايل
ونكتب المهر من زود التجني ريال!!
والنتيجه خراب بيوت والعمر زايل
ومن يعوض زوار العمر عقب الزوال؟؟
وانتي الحين سوقي للطريق الرحايل
والأكيد قريب السعد لك كرنفال
ولا يهمك وربي ماورى الهرج طايل
كلها كلمتين وقالوا فلان قال....
العرض الشجري
