الصندوق الاسود

[الغبه]

[poet font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
بسم الله الرحمن الرحيم

السلام عليكم ورحمةالله وبركاته


قافن بدعته مابدعني ولاانساق=الاحقايق شافت العين مسيوق
ماني على بدعي طروبن وشفّاق=لكن دحاويس البشر ساقني سوق
هذاك معيوقن وهذاك منعاق=وهذاك يسرق له من الناس طاروق
لاوالله الاشقق الخفق شقّاق=وسرق الاسامي صارسلمن ومنطوق
يحط له عشرين اسمن وتلحاق=بنات واولاد وخرابيط وفتوق
ياناس والله عيب تنداس الاحقاق=وعيبن اشوف الاخ لاحق وملحوق
ودّك تعدل للخماكير بطراق=يجعل على خده شلاويط وحروق
حكّم ظميرك عامل الناس باشواق=وان مافعلت الطّاق يجيك مطبوق
احدن كتب لحدن مغاريب واشراق=واحدن مدح نفسه باسم غير مسبوق
واحدن شرب من شاورالتتن ترياق=واحدن شرب درالمنايح مع النوق
انصح بها نفسي ونفسي لها راقّ=نصح الرفاقه والمعاني بصندوق
يابنت شومي عن مخاديع الادراق=ضاع الفقع بين البختري ورقروق
واقول للبايع ترى الدرهم اوراق=وجنّب طريقن قبلك العام مطروق
والحجل اسمه حجل يوضع على الساق=والجوهرالالماس بالعقد وحلوق
معزتك نفسك لك ارناق واشعاق=ومذلتك نفسك تدربيك من فوق

وسلامتكم

الغبه
[/poet]