مرحبا اخواتي جيتكم وانا كلي ألم ودموع ماادري وين ابدي قصتي إلكم
والله اتمنى إلكم تساعدوووني لأني والله في امّس الحاجه إلكم 00
اخواتي بدايه قصتي انا اتعرفت على واحد عن طريق النت ومن ثم تطورت
العلاقه إلى المسجات ومن ثم الموبايل كلمته والله نحب بعض لو اوصفه
إلكم بتقولون مستحيل يكون هالحب موجود في هالدنيا
والكل يشهد على هالحب
المهم الشخص اللي احبه متزوج تقريبا ضعف عمري وعنده أطفال
المهم هوه على خلاف مع زوجته يعني شبه منفصل من ثلاث سنوات
وانا قلتله انا مستحيل ارتبط معاك وابني سعادتي على تعاسه غيري
قال زوجته مستعده تتقدم وتخطب له 00واستمرت علاقتنا 00والله اني احبه حب جنون المهم انا احس بتأنيب الضمير المهم طرشتله رساله
وبينتله اني احبه واموت فيه ومستعده اضحي عشانه بس لازم
ما نكمل لازم ما نكلم بعض في التيلفون كيف نبى الله يوفقنا واحنا بادين حياتنا بالغلط والله اخاف الله يراوينا ونحنا ندري انه حياتنا غلط× غلط
هوه كم مره قال يبى يتقدم لي بس انا اخاف لأني ما خلصت دراستي
الثانويه انا اللحين في آخر سنه يعني نص كورس وبخلص وانا قلتله في الرساله رتب امورك شوف وضعك لين ست شهور المهم انا خايفه ايضا
من رفض اهلي لأنه متزوج وانا بنت بعدني صغيره ما عليي ايي كلام والله اخاف00 بتقولون لي اتخيلي انتي وضع زوجته الأولى بقولكم لو زوجته كانت مب مقصره عليه وبقى يتزوج من دون اي سبب والله ارفضه بس بسبب مقنع ومااحب اذكره 00 وانا اللحين جد تعبانه والله متعوده عليه وفجأه نفترق مع انه انا متأكده اللي اسوي صح مليون% بس احس باللحظه ضعف
والله كل مااحس بهذي اللحظه استغفر واقرى القرآن بس عسب مااتصله
ساعدوني بالفعل احس عمري مشوشه
اخاف يوم يتقدم لي اهلي يرفضون بتقولون لي انتي بعدج الصغيره بييج اللي احسن عنه والله مااقدر بتقولون هذي فتره مراهقه واتحسين بفراغ عاطفي اقولكم اهلي مب مقصرين عليي بالرغم من حنانهم بس ماادري احب هالشخص ومتمسكه فيه حيل انصحوني الله يخليكم
اختكم مجرد احساس
العرض الشجري
